Guddan

Forvitnilegt :)

2006-04-19T14:56:00.000Z

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifin/nn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það:
7. Lýstu mér í einu orði:
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkir þú mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlarðu að setja þetta á bloggið þitt svo ég geti skrifað um þig?

Hver á landi fegurst er?

2006-04-12T09:48:00.000Z

Ég fékk sent á tölvupósti í gær, þetta er bréf sem nýstofnað Femínistafélag Akureyrar
sendi keppendum í fegurðarsamkeppni Norðurlands.

Þú ert falleg! Þú þarft ekki taka þátt í fegurðarsamkeppni til að vita það.

Nú þegar umræður um fegurðarsamkeppnir eru allsráðandi getur maður ekki
annað en velt fyrir sér inntaki þeirra. Hverju nákvæmlega er verið að
keppa í? Út frá hverju er verið að dæma? Hver hefur það guðdómlega vald
til að segja til um það hvað sé fallegt og hvað ekki? Dómararnir sem dæma
keppnirnar? Hafa þeir lokið skóla í fegurðarfræðum? Nei. Dómararnir eru
bara eins og þú og ég. Venjulegt fólk sem er uppfullt af kreddulegum
samfélagshugmyndum um staðlaða ímynd fegurðarinnar.
Kjarni málsins: Það er engin uppskrift sem að dómnefndin getur farið eftir
í því hver sé fegurst. Maður gæti skilið það ef að sú sem grennist mest,
er með mesta hárið eða getur labbað hraðast ynni. Þá væru fyrirfram gefnir
staðlar sem stúlkurnar gætu allar unnið hörðum að. Allar stúlkurnar kæmu
að keppninni á sama grundvelli og ættu allar jafn mikla möguleika. Eins og
staðan er í dag þá er það bara huglægt mat hvers og eins dómara sem að
ræður för.
Ert þú til í að láta það í hendurnar á ókunnugu fólki að segja til um
hvort að þú sért nógu sæt eða ekki?
Fegurð þína er ekki mælanleg. Hún felst í þroska og góðri sjálfsímynd og
fer einungis batnandi með árunum. Spurningin er ekki um fatastærðir,
kílóafjölda, hæð eða háralit, heldur er hún spurning um að læra að elska
sjálfa sig frá toppi til táar.
Þannig að: Líttu í spegil og ákveddu sjálf að þú ert falleg.
Feministafélag Akureyrar

Það er margt til í þessu hjá þeim og ég stóð mig að því að kinka kolli í gríð og erg á meðan ég las þetta í gegn. Því hvernig er hægt að keppa í einhverju sem er jafn afstætt og fegurð, og til hvers að hlaupa á eftir áliti annarra á eigin fegurð.

En svo hálf skammaðist ég mín fyrir að vera að gagnrýna þetta, því hvað er öðruvísi við þetta en að keppa í söng líkt og ég gerði fyrir rúmu einu og hálfu ári síðan?? Er fegurð söngs og tónlistar ekki alveg jafn afstæð og útlitsfegurð?

Ef þessar stelpur þekkja sjálfan sig og erum með fullmótaða sjálfsmynd þá sé ég svo sem ekkert voðalega hræðilegt við að þær fari í fegurðarsamkeppni, ef það er á réttum forsendum. Við verðum að líta til þess að við búum í þjóðfélagi þar sem líkamlegri fegurð er gert mjög hátt undir höfði og þessar fegurðarsamkeppnir eru oft mikill stökkpallur fyrir þessar stelpur - ég tala nú ekki um ef þær stefna á frama í fjölmiðlum og þá sérstaklega sjónvarpi. Þetta skapar tækifæri fyrir þessar stelpur líkt og Idolið skapar tækifæri fyrir söngvara, þó það sé ekki endilega sá sem syngur best eða fegursta stelpan sem vinnur heldur ....úff ég veit það ekki? ...hver vinnur svo? Var nýja Idol strjarnan með fegurstu rödd allra sem mættu á hótel loftleiðir í lok ágúst?

Ef við erum á móti útlitsdýrkun þjóðfélagsins og því hvað sú guðsgjöf að hafa fæðst í fallegu hulstri sé gert hærra undir höfði en öðrum guðsgjöfum þá held ég að leiðin til að leiðrétta það sé ekki að reyna að leggja niður keppnir sem þessar. Frekar ættum við að reyna að vekja athygli á öðrum kostum og hæfileikum í fari fólks á annan hátt. Efla styrkjakerfi á Íslandi, fá fyrirtæki til að styrkja fólk í ríkara mæli til að rækta sína hæfileika og kosti, fjölga hugmyndasamkeppnum og þess háttar.

Eða ég veit það ekki??? hvað finnst þér?

June Variety

2006-02-23T20:27:00.000Z

Komiði sæl lömbin mín :)

...ef eitthvert ykkar er þá enn að ranglast hingað inn :)

Það er bara allt gott að frétta af mér, lífið leikur við mig þessa daganna og tíminn flýgur eftir því. En ástæðan fyrir þessum pósti mínum er að Hölli gítarleikarinn sem ég var að syngja með síðasta vetur var að stofna band útí Danmörku sem ætlar heldur betur að leggja heiminn undir sig ...eða að minnsta kosti Arhus og litla Ísland :D Þeir eru að gera rosa góða hluti svo ég hvet ykkur eindregið til að kíkja á síðuna þeirra hér á kantinum :D

Lifið heil ;)

Eina ósk, ég væri ekki í vafa hvers ég óskaði mér :)

2006-01-31T12:42:00.000Z

Heilladísin sagði við gift par : Þar sem þið hafi verið hamingjusamlega
gift í 35 ár ætla ég að veita ykkur hvoru eina ósk.
Eiginkonan sagði: Ég vil fara í heimsreisu ásamt mínum ástkæra eiginmanni.
Heilladísin veifaði sprotanum sínum og AKABRADABRA það birtust tveir
farseðlar með það sama.
Nú var komið að manninum og hann hugsaði sig um í smá tíma og sagði svo ,
tja þetta er nú rómantísk stund en svona tækifæri gefst bara einu sinni á
æfinni,............. því miður mín kæra, mín ósk er að eiga konu sem er 30
árum yngri en ég. Konan varð að vonum skúffuð en ósk er ósk.
Heilladísin veifaði töfrasprotanum ....................... og
AKABRADABRA..........
maðurinn varð 90 ára með það sama.
Karlmenn eru kannski svolítil svín, en
heilladísir................................ eru konur .

Fallegt ævintýri :)

2006-01-23T14:55:00.000Z

The Shortest Fairy Tale.

Once upon a time, a girl asked a guy "Will you marry me?" The guy said,

"No." And the girl lived happily ever after and went shopping, dancing,

dining, drank martinis, always had a clean house, never had to cook and

farted whenever she wanted.

The end.

Ekki svo fjarri lagi?

2005-12-19T12:55:00.000Z

Your Birthdate: December 3

You are more than a big ball of energy - you are a big ball of hyper.

You are always on the go, but you don't have a type a personality.

Instead of channeling your energy into work, you instead go for fun and adventure.

Witty and verbal, you can have an interesting conversation with anyone.

Your strength: Your larger than life imagination

Your weakness: You tend to be pretty scattered

Your power color: Lime

Your power symbol: Lightening bolt

Your power month: March

What Does Your Birth Date Mean?

Já þetta er nú ekki svo fjarri lagi ...ég er allaveganna frekar orkumikil og svo sannarlega ekki A týpa - á mjög auðvelt með að vaka endalaust, snúa sólahringnum við og finnst þar að leiðandi voða notalegt að sofa langt frameftir :) Og þrátt fyrir orkuna þá á ég það til að dreifa henni um og of, stend mig svo að því að vera í soldið miklu veseni og tímahraki í prófatíðinni, á það til að gleyma þessu praktíska í öllum áhugamálunum og félagsstörfum.

En jæja best að reyna að snúa athyglinni aftur að þessu praktíska enginn tími fyrir jól og gleði fyrr en eftir 21. des :( heyrumst þá :)

Afmæli, próf og fundur

2005-12-08T17:46:00.000Z

Þá er afmælið mitt liðið hjá, ég þakka kærlega fyrir allar hamingjuóskirnar sem ringdu yfir mig þann 3. :) alltaf jafn gaman að vera miðpunktur athyglinnar, þó ekki sé nema einn dag á ári :)

Svo á hún elsku Ásta mín afmæli í dag, til hamingju með það :) ...úff ekki veit ég hvernig líf mitt væri eða hvað þá heldur hver ég væri ef ég hefði ekki hitt hana Ástu fyrir rúmum 20 árum og átt hana að sem eina af mínu aðalmanneskjum meira og minna síðan þá! ..það er frekar skrýtið að hugsa til þess.

Ég var að koma úr fysta prófinu, náði að skríða fyrir horn, veit ekki hvort ég eigi að fagna þessum árangri eða bölva, en ég náði allaveganna að koma því á framfæri sem ég kunni og rúmlega það :) giska á miðlungs einkunn :(

En það er áhugaverður fundur í fyrramálið með forsvarsmönnum stjórnmálaflokkanna á Grand hótel. Þar ætla þeir að ræða stefnu flokkanna varðandi baráttuna gegn
kynbundu ofbeldi, sérstaklega með tilliti til komandi
sveitastjórnarkosninga. Búist er við líflegum umræðum milli stjórnmálamanna
og félagasamtaka sem láta sig þessi mál varða.

Ingibjörg Sólrún verður þar fyrir hönd Samfylkingarinnar :) Ég er að hugsa um að skreppa, ef ég fæ einhvern með mér??? Fundurinn er frá 8:30 - 10:00 í fyrramálið :)

Látið mig vita ef þið hafið áhuga :)

Eintóm hamingja :)

2005-12-01T18:41:00.000Z

Já það má segja að ég sé með eindæmum hamingjusöm þessa daganna :) ...þó læðist að mér samviskubit við og við því skólinn er ekki alveg nógu framalega í forgangsröðuninni þessa daganna :( ...en samviskubitið vegur nú samt ekki mjög þungt á móti allri gleðinni :D

Síðasta helgi var hreint út sagt frábær, Haffi yndi bauð mér til Akureyrar á bretti :) en þetta var í fyrsta skipti sem ég steig á svoleiðis grip, þetta gekk frekar brösulega hjá mér til að byrja með og ég uppskar lítið annað en blá og marin hné og auman bossa :( ...en svo var ég allt önnur á sunnudeginum ...komst bara á ágætis skrið og skemmti mér konunglega :) Hlakka til að fara aftur :) Nú verður maður bara að fara að fjárfesta í brett og stunda þetta!!

Næsta helgi verður ekki síðri og enn fær próflestur að sitja á hakanum. Jólaglögg annað kvöld og svo er uppáhalds parið mitt er að fara að gifta sig næsta sumar :) en það eru auðvitað Kristófer frændi og Larissa, þau koma frá London á morgun og að því tilefni verður smá trúlofunarveisla á ættaróðalinu, Útgörðum, á laugardaginn fyrir allra nánustu :) Það verður eflaust eitthvað glens frameftir svo ég verð þar fram á sunnudag.

Og svo á ég auðvitað afmæli á laugardaginn 3. des. :) verð 24 ára gömul :) það eiginlega hverfur í öllum þessum partýum svo það verður enginn tími til að halda neitt uppá það þetta árið!

Svo eru jólalögin farin að heyrast á öldum ljósvakans mér til mikillar ánægju :D en eins og þið vitið þá er ég algjör sökker fyrir jólalögum og syng þú út í eitt allan desember og fram á þrettándann :) ...fílustrumpar vinsamlegast beðnir um að halda sig fjarri frammyfir þann tíma!

Letin að koma aftan að mér :(

2005-11-16T16:15:00.000Z

Já þá er komið að því ...prófin nálgast, nóvember meira en hálfnaður og ég á enn eftir að skila heilum haug af verkefnum áður en ég get farið að huga að próflestri :( En ...þetta reddast einhvernveginn ...gerir það alltaf ...eða hvað?

En þetta er hund leiðinlegt ...ömurlegt að slóra og standa sig illa í námi sem maður hefur mjög gaman af og langar að brillera í ...af því bara :( ...af því bara að mér finnst voða sniðugt að vera að gera allt sem mér finnst skemmtilegt að gera í einu!! ofhlaða dagskrána!

En nú er nóg komið ...ég ætla að gera það að áramótaheiti mínu að trappa mig niður, núna síðustu helgi var landsþing UJ og ný stjórn tók við og ég bauð mig ekki fram til áframhaldandi setu, svo ég er nú þegar byrjuð :) voða stolt af því!

Héðan í frá ætla ég að hafa eftirfarandi málshátt mér til fyrirmyndar:

Sigurvegarar gera ekki framúrskarandi hluti. Þeir gera venjulega hluti framúrskarandi vel.

En ég er komin með nýtt mail: gdef@hi.is vinsamlegast breytið því hjá ykkur ;)

Meira um Angelu Shelton :)

2005-11-12T00:08:00.000Z

Angela talaði mikið um það að við ættum ekki að dæma aðra og að það væri það mikilvægasta sem hún hafði lært á þessu öllu saman.

Hún tók dæmi um konu sem var verulega offeit og varð fyrir miklu aðkasti vegna þessa. En það sem fólk sem sér hana úti á götu og gangrýnir hana veit ekki er að þegar hún var 5 ára var henni nauðgað af 12 fullorðnum mönnum, ekki nóg með það heldur var svo harkalega farið að henni að það kom gat á annað lunga hennar svo það er ónýtt í dag, af þeim sökum hefur hún þurft að taka inn mjög sterk lyf allt frá þeim degi sem stuðla að offitu hennar, hún er mjög heilsuveil og á líklega stutt eftir.

Hún tók einnig dæmi um stúlku sem var gullfalleg, hæfileikarík menntaskólamær sem gekk vel í skóla, var yfirklappstýra, kærasta fyrirliða fótboltaliðsins og kom frá fyrirmyndarheimili - sem sagt "miss perfect". Hún hefur eflaust verið öfunduð af mörgum og margir baktalað hana eins og gengur og gerist á þessum árum. En það sem enginn vissi um hana var að nágranni hennar var sadómasókisti og hafði misnotað hana illilega frá 6 ára aldri. Svar hennar við þessu dimma leyndarmáli var að reyna að vera fullkomin á yfirborðinu til að reyna með öllum mætti að hylja yfir þessi ósköp. En þrátt fyrir velgengni hennar var þetta engin lausn - hún fyrirfór sér!

En það var þó eitt gott sem kom út úr þessu, hún skildi eftir bréf á rúmi sínu þar sem hún sagði foreldrum sínum frá þessu öllu saman, foreldrar hennar fengu bréfið birt í hverfis dagblaðinu og eftir það stigu 6 aðrar stúlkur fram sem höfðu orðið fyrir barðinu á sama manninum!

Þær höfðu allar verið í sama skóla en höfðu aldrei haft hugmynd um hvor aðra og að fleiri væru að ganga í gegnum sömu martröðina og þær sjálfar. Ef til vill höfðu þær gert hvorri annarri lífið leitt eins og er því miður allt of algengt í þjóðfélaginu.

Næst þegar einhver er að angra okkur, hegðar sér eins og hálfviti, kemur illa fram við alla í kringum sig eða vekur á sér neikvæða athygli þá skulum við staldra við og spyrja okkur af hverjumanneskjan hegðar sér svona áður en við förum að dæma hana - þú þekkir ekki sögu hennar!

En hvað getum við gert við þessu? það er hræðilegt að hugsa til allara þessara milljóna manna og kvenna sem verða fyrir misnotkun og getur hreinlega vakið hjá okkur uppgjafartilfinningu.

Þögnin er mesta ógnin! og eðli þessara brota er þannig að þau ala á skömm og sjálfshatri fórnarlambanna, þetta ruglar fólk/börn algjörlega í ríminu, því af líffræðilegum ástæðum finnst okkur kynlíf og snerting við kynfæri góð upplifun. Börn sem eru svift kynfrelsi upplifa sterka sektarkennd yfir því að upplifa ef til vill vellíðan þegar t.d. ofbeldismaðurinn/konan á munnmök við þau og finnst þau þar að leiðandi að einhverju leiti meðsek.

En þetta er alheimsvandamál sem verður að uppræta, þetta er ekki eingöngu vandamál kvenn heldur vandamál alls þjóðfélagsins. Það sem gleymist líka oft í umræðunni er að það eru líka konur sem misnota, stjúpmóðir Angelu tók t.d. fullan þátt í misnotkuninni, leiddi þau inn í herbergi til föður hennar þar sem hann lá allsber, fylgdist með og lét þetta viðgangast.

Það ættu allir að horfa á mynd hennar: http://searchingforangelashelton.com/">Searching for Angela Shelton, því við verðum öll að vera vakandi fyrir þessum málum. Við erum ábyrg, við verðum að tilkynna ef við verðum vör við einhver merki misnotkunnar.

Ég keypti myndina hennar á DVD og hvet alla til að fá hana lánaða hjá mér og horfa á hana :) Myndin verður líka sýnd í Regnboganum á morgun, laugardag kl. 18:00.

Þið getið líka farið inná: http://searchingforangelashelton.com/ til að kynna ykkur gerð myndarinnar betur.

En mikilvægast af öllu er að við tölum blátt áfram um þessi mál við ALLA sem við þekkjum konur og kalla og sérstaklega börn, öll börn í lífi okkar, börn á öllum aldri. Upplýsing og fræðsla er okkar eina vopn!

Searching for Angela Shelton

2005-11-11T04:48:00.000Z

Ég fór á ótrúlega áhugaverða málstofu í dag, Angela Shelton sem gerði heimildarmyndina Searching for Angela Shelton kom og ræddi við okkur um reynslu sína og upplifun við gerð myndarinnar.

Hún ferðaðist um öll Bandaríkin og reyndi að hafa uppá öllum alnöfnum sínum. Í upphafi ætlaði hún að gera heimildarmynd sem myndi sýna þverskurð af bandarískum konum, hvað þær væru að gera í lífinu og hvað einkenndi þær. En þetta reyndist snúnara en hún hélt, henni fannst erfitt að fá konurnar til að trúa að henni væir alvara og að hún væri ekki að selja neitt. Hún náði í raun ekki til kvenanna fyrr en hún fór að segja þeim frá sjálfum sér.

Angela Shelton hafði ekki átt sjö dagana sæla í barnæsku heldur var hún, systir hennar og bróðir m.a. misnotuð af föður þeirra. Þegar hún fór að deila sögu sinni með hinum konunum fóru þær líka að opna sig og segja henni frá sinni reynslu, jafnvel dimmum leyndarmálum sem þær höfðu aldrei fyrr treyst sér til að deila með öðrum.

Það ótrúlega við þetta allt saman er að af þeim 40 Angela Shelton sem hún náði sambandi við höfðu 28 verið misnotaðar, nauðgað eða beittar ofbeldi, það gerir heil 70%. Myndin eignaðist sjálfstætt líf og varð að einhverju allt öðru en hún átti að verða í byrjun, eða það væri nær að segja einhverju miklu meira því þær gætu jú líka verið þverskurður af bandarískum konum. En þetta var sannkallaður tilfinningalegur rússíbana fyrir hana og allar þær konur sem hún hitti og það var veruleg uppgötvun bæði fyrir hana og hinar hversu margar höfðu orðið fyrir áföllum og að þær væru ekki einar í sínum sporum.

Hún sjálf byrjaði að segja frá hlutum sem hún hafði aldrei nokkurntíman sagt frá sjálf. Hún talaði líka almennt um afleiðingar misnotkunnar og hvað hún hefði lært í öllu þessu ferli, alveg frá því hún hóf ferðina og þangað til hún var stödd hjá okkur í dag.

Þegar hún kláraði myndina var hún í rúst tilfinningalega. Hún hafði í nokkurn tíma átt auðvelt með að tjá sig um misnotkunina sem hún varð fyrir í æsku en hafði ekki fyrr gert sér grein fyrir því hvernig hún hafði í raun haldið áfram að misnota sjálfan sig eftir að aðrir hættu að misnota hana. Hún hegðaði sér í raun eins og dæmigert fórnarlamb misnotkunnar, skar sig og meiddi, valdi sér aftur og aftur ofbeldisfulla menn sem svívirtu hana og brutu markvisst niður, var uppfull af skömm og sektarkennd, hataði sjálfan sig og langaði að drepa sig. Hún var í raun staðráðin í því að drepa sig bara þegar hún væri búin að koma þessu frá sér, en henni snérist hugur eftir að hún kom fram í Opruh og fékk marga tugi þúsunda tölvupósta allstaðar af, frá konum sem þökkuðu henni fyrir að koma fram, töldu henni trú um að gefast aldrei upp og að hún yrði að halda áfram.

Eftir þáttinn byrjaði hún að skrifast reglulega á við nokkra sem höfðu sent henni tölvupóst, henni fór að þykja vænt um þessar manneskjur, dást af styrk þeirra, þori og þrautseigju. Þá uppgötvaði hún að hún gæti ef til vill lært að elska sjálfan sig líkt og hún lærði að elska þau, þrátt fyrir allan ljótleikann, að hún væri jafnvel einhvers virði, ætti skilið að vera elskuð og láta koma vel fram við sig. Hún byrjaði á því að lofa sjálfum sér að hún myndi aldrei framar misnota sjálfan sig, talaði um að það hefði verið rosalegt stökk út í óvissuna líkt og þegar alkahólisti fer í meðferð, líkt og að hætta allt í einu að vera sú sem þú ert og reyna að vera eitthvað sem þú hefur aldrei áður prófað. Hún kunni einfaldlega ekki að lifa án þess að vera sífellt að berja sig niður. Ótrúlegt hvað við höldum alltaf í það sem við þekkjum – þrátt fyrir að það geri okkur ekkert gott.

En jæja ...je dúdda mía ...verð að fara að sofa! Framhald síðar ...á eftir að segja ykkur fullt fullt ;)

Minni áhugafólk um stjórnmá á landsþing UJ um helgina :) partý, læti og geðveitk stuð ;)

Ég vil ekki sjá ykkur!

2005-10-26T01:06:00.000Z

Jæja þá er kvennafrídagurinn að baki. Þetta var alveg hreint frábær dagur :) allar konur svo glaðar og hrærðar :) Þegar ég var á leiðinni til Þórunnar frænku rúmlega 14 þá voru öll strætóskýli troðfull af brosandi konum, við öll ljós voru hópar kvenna arkandi í átt að miðbænum og umferðin var þá strax orðin þung í átt að Hallgrímskirkju og nánast bara konur undir stýri. Þegar ég keyrði svo útúr hverfinu hennar Þórunnar mætti okkur mikil bílaörtröð ...við vorum orðnar smá stressaðar að komast ekki í tíma niður í bæ ...en hver konan á fætur annarri vinkaði okkur útum bílgluggann og hleyptu okkur inn í bílarununa :) Svo lögðum við bílnum við Hlemm og gengum þaðan í samfloti með stríðum straumi hamingjusamra kvenna :)

En það var soldið fyndið að þegar við vorum að ganga upp Bergþórugötuna gekk á móti okkur maður sem hélt fyrir augun og rumdi til okkar ...ÉG VIL EKKI SJÁ YKKUR, ÉG VIL EKKI SJÁ YKKUR! Ég trúði varla mínum eigin eyrum og augum ...ekkert smá bitur! Ætli það sé mikið um þetta við horf meðal karlmanna? Ég vil ekki trúa því en þetta er greinilega til ...og ekki var hann að fela skoðun sína! Hann ætti að skammast sín!

En nóg um það ...en ekki þar með sagt að það sé komið nóg af umræðu um kvennréttindi ...ónei ...en geymum það til betri tíma :)

Góða nótt ***

Hvers vegna kvennafrí?

2005-10-24T00:41:00.000Z

Dagbjört skrifaði rosa fína grein um kvennafrídaginn á pólitík.is á föstudaginn. Hún undrar sig á neikvæðnisröddum í þjóðfélaginu, því þetta örverkfall er heldur betur ekki óumdeilt. En af hverju ætlið þið að mæta á morgun í kröfugöngu? Eða af hverju ekki?

Það væri sérstaklega forvitnilegt að heyra frá ykkur sem ekki ætlið að mæta því ég á erfitt með að skilja þær konur sem ekki ætla að taka þátt.

Ástæðurnar fyrir því að ég ætla að strunsa á Skólavörðuholt eru margar. Með því að láta af störfum kl. 14:08 sýnum við framm á mikilvægi kvenna á vinnumarkaðinum, þjóðfélagið kemur til með að stoppa, leikskólar, frístundaheimili, bankar og fleiri stofnanir verða óstarfhæfar. Þau störf sem helst halda þjóðfélaginu gangandi og eru ómissandi til að halda hjólinu gangandi eru nefnilega umönnunarstörfin, sem eru jú af lang stærstum hluta mönnuð konum. Hvernig má það þá vera að þessi störf séu hvað minnst metin til launa í þjóðfélaginu? Þeir sem vinna við umönnun barna okkar, eldriborgara, sjúkra ofl. fá langt um minni laun en t.d. þeir sem hirða ruslafötur borgarinnar. Er þetta rökrétt? Eða sanngjarnt? Er okkur bara alveg sama hver sinnir þeim sem minnst meiga sín í þjóðfélaginu?

Þetta er auðvitað FÁRÁNLEGT!!! Það getur hver sem er unnið í ruslinu, en ég myndi ekki treysta hverjum sem er til að sinna barninu mínu, aldraðri ömmu á elliheimili eða fötluðum einstaklingum. En með núverandi launastefnu löðum við ekki hæfasta fólkið að þessum störfum, þó auðvitað séu alltaf öðlingar inná milli sem þrauka áfram að hugsjón ÞRÁTT fyrir skelfileg laun. Það er því ekki nema von að það sé skortur á vinnuafli í flestum þessara geira.

Önnur ástæða fyrir því að ég mun mæta galvösk í kröfugöngu og á útifund er til að votta virðungu mína þeim hugrökku konum sem tóku sér frí og mótmæltu fyrir 30 árum, þær áttu án efa risastóran þátt í þeim feikilega árangri sem kvennréttindabaráttan hefur náð síðan þá. Við eigum að hylla þessar hetjur okkar fyrir það hugrekki sem þær sýndu ...hver veit hvar jafnréttisbaráttan væri stödd ef þær hefðu ekki þorað og tekið af skarið?

Fyrir 30 árum sungu þær:

Já seinna börnin segja:
“sko mömmu hún hreinsaði til.”
Já seinna börnin segja:
“Þetta er einmitt sú veröld sem ég vil.”

En þor´ ég, get ég, vil ég....

Þessar konur mættu mótspyrnu á þessum tíma, bæði frá konum og körlum, mörgum fannst þetta argasta bull og að jafnrétti væri náð. En við erum fegnar í dag að þær hafi ekki látið segjast, sko þær! þær hreinsuðu svo sannarlega til! :) veröldin sem við þekkjum í dag er heldur betur önnur en þær voru að berjast við.

Þessar sömu neikvæðnisraddir heyrast í dag, en ég trúi ekki öðru en að allar stelpur standi saman og mæti á morgun! Og líka þær sem halda að fullkomnu jafnrétti sé nú þegar náð. Mætum til að halda upp á þau tímamót sem þessi merki dagur, fyrir 30 árum, var :) og til að þakka þessum hugrökku konum fyrir sitt framtak :)

Svo verður þetta líka svo ótrúlega gaman, amma Ólöf var að segja mér frá því þegar hún fór með rútunni úr sveitinni fyrir 30 árum til að taka þátt í þessu, sagði að þetta hafi verið einstök upplifun, að það hafi myndast alveg ólýsanleg stemmning, gífulegur samhugur og gleði :)

Á þessum tíma var hún að vinna í hlutastarfi sem kennari og var svo heima með Þórunni 4 ára og þrjá unglinga. Afi þurfti að taka Þórunni með sér í vinnuna – ekkert allt of sáttur. Svo kom amma aftur heim með rútunni um kvöldið, þá kom akkúrat maður úr sveitinni í heimsókn og afi hafði skroppið frá – amma sagði að því miður gæti hún ekki boðið honum upp á kaffi því húsbóndinn hafði skroppið frá og hún væri í fríi í dag :) Það er nefnilega alveg jafn mikilvægt að heimavinnandi húsmæður taki sér frí.

Við berum ábyrgð, ekki aðeins á því sem við gerum heldur líka því sem við gerum ekki.

Aukin mannréttindi hafa aldrei komið af sjálfum sér og þó jafnrétti sé náð í lögum þá tekur það hugafarið oftast marga áratugi að fylgja á eftir, gerum okkar besta til að flýta því!

Sjáumst ;)

Einn góður fyrir kvennafrídaginn ;)

2005-10-20T22:07:00.000Z

Endur fyrir löngu, í landi langt langt í burtu, rakst falleg, sjálfstæð
og sjálfsörugg prinsessa á frosk þar sem hún sat og velti vöngum yfir
vistfræðilegum álitamálum við bakka ómengaðrar tjarnar á fagurgrænu engi
nálægt kastalanum sínum.
Froskurinn stökk upp í kjöltu prinsessunnar og sagði: "Fagra frú, ég var
eitt sinn gjörvilegur prins en grimm norn lagði á mig álög.
Ef þú smellir á mig einum kossi mun ég aftur verða að þeim snotra prinsi
sem ég raunverulega er.
Þá getum við, mín kæra, gifst og stofnað heimili í kastalanum þínum.
Þú getur framreitt málsverði fyrir mig, þvegið klæði mín, alið börnin
mín og fundið til þakklætis og hamingju um alla eilífð."

Sama kvöld sat prinsessan yfir málsverði sínum - léttsteiktum froskalöppum
-
og hló lágt með sjálfri sér: "Ég held nú fokking síður!"

Er ekki annars hörkustemmari fyrir mánudeginum? ætla ekki alveg örugglega allar konur að mæta?

Ekki klukk heldur ...HRÓS :)

2005-10-19T23:23:00.000Z

Já hún Ása er sniðug pía og hefur snúið klukk-leiknum í andhverfu sína, þ.e. í stað þess að tala um sjálfan sig þá á maður að hrósa öðrum. Við erum yfirleitt ekki nógu dugleg að hrósa hvort öðru eða allaveganna ekki ég ...nema þá kannski ársskammturinn í árlegu jólakorti ...en ekki er hrósskorturinn vegna skorti á góðu fólki heldur feimni við að rasa þessu út :) ég ætla að reyna að venja mig af þessari feimni og HRÓSA meira ;)

Nokkrar útvaldar manneskjur eiga því vona á hrósi frá mér á næstu dögum :)

Að ganga að eiga einhvern...

2005-10-19T15:06:00.000Z

Ég las um helgina bókina Ellefu mínútur eftir Paulo Coelho en hún fjallar um unga brasilíska stúlku sem dreymir um að verða rík og fræg en verður þess í stað vændiskona. Ég mæli eindregið með þessari bók, hún vekur upp ýmsar spurningar um ástina, kynlífið og bara lífið yfir höfuð eins og Paulo Coelho einum er lagið :)

Þegar ég var að lesa þessa bók þá rifjaðist upp fyrir mér samtal sem ég átti við fullorðinn frænda minn um hjónabandið, en þetta var einmitt í giftingarveislu dóttur hans. Þessi frændi minn hefur ofurtrú á afli eignarréttarins ...enda blár í geggn eins og öll ættin meira og minna ...en hann telur t.d. að hagsæld hjónabandsins bæði sem stofnunar og hans eigin hjónabands megi einmitt rekja til eignarréttarins sem vísað er í við kristna giftingu, þ.e. þú gengur að eiga hinn aðilann. Hann tók þessu til stuðnings dæmi úr eigin lífi og segir að hann myndi aldrei fara illa með eiginkonu sína og börn því hann eigi þau og hann færi aldrei illa með neitt sem hann eigi. Hann er sem sagt einn af þeim sem telur að upphaf eignarréttarins hafi verið mikið gæfuspor fyrir samfélag manna.

Ég er þessu innilega ósammála, ég ætla ekki hér og nú að fara úthúða eignarréttinum og taka undir með mönnum sem segja upphaf eignarréttarins mesta böl sem mannkynið hefur séð. En það sem ég er á móti er að setja samasem merki á milli hugtakanna ást og eignarréttur, það er einmitt það sem hræðir mig og hrindir mér frá kristinni giftingu. Raunin er sú að eignarréttur karla yfir eiginkonum sínum hefur hrundið miklu böli yfir konur í gegnum aldirnar - eignarrétturinn hefur verið notaður til að réttlæta kynbundiðofbeldi, nauðganir og þrælkun ...bæði á konum og börnum.

María, aðalsögupersónan í Ellefu mínútur kemur einmitt inná þetta, hún segir að ástin sé að hafa öðlast heimsins mesta hnoss án þess að slá eign sinni á það.

Einnig segir María sögu af ást konu á fugli sem kom og settist hjá henni frjáls og ótilneyddur, hún dáði fegurð hans og hæfileika en var hrædd um að hann færi brátt til fjarlægra landa, hún var hrædd um að missa hann og verða einmanna svo hún klófesti hann og setti í búr. Til að byrja með var frábært að hafa fuglinn hjá sér alla daga en ástin varði ekki lengi því nú þegar hún átti fuglinn og þurfti ekki að hafa fyrir því að laða hann til sín þá minnkaði áhuginn. Fuglinn fölnaði og dó að lokum því hann gat ekki lifað án frelsisins. Ef hún hefði haldið áfram að leyfa fuglinum að koma og fara hefði ást hennar og aðdáun aukist en nú var hún dáin.

Ég held það sé mikið til í þessu og ég er alls ekki sammála frænda mínum um það að maður fari endilega betur með það sem maður Á! En auðvitað vill maður allt gott gera fyrir þá sem maður elskar ;) Sönn ást er óskilyrt og þú kemur alltaf aftur og heldur áfram að elska sömu manneskjuna þrátt fyrir að hún eigi þig ekki og að þú þurfir þess ekki.

Jæja nóg af þessu í bili ...þarf að rjúka í tíma :)

Grunnskóli fyrir alla?

2005-10-18T00:16:00.000Z

Þegar ég var að kenna leikfimi í Kársnesskóla kenndi á móti mér maður sem átti strák með Downs-heilkenni. Á þessum tíma voru tímamót í lífi þeirra því strákurinn þeirra var að hefja skólagöngu og þau ákváðu að senda hann í Kópavogsskóla sem er almennur grunnskóli. Ég var nokkuð hissa og sagði: "vá er hann svona klár að hann getur farið í almennan grunnskóla?" hann var voða stoltur og sagði: "já hann er yfir meðallagi miðað við önnur börn með Downs-heilkenni."
Síðast þegar ég vissi var drengurinn í 7 ára bekk og allt gekk eins og í sögu, hann átti einn góðan vin og gekk vel námslega séð :)

Menntakerfi okkar leggur áherslu á það að jafnræði ríki til náms á Íslandi og í aðalnámskrá grunnskóla segir m.a. að grunnskólar eigi að taka við öllum börnum hvernig sem á standi um atgervi þeirra til líkama og sálar. Þetta eigi við um fötluð börn og ófötluð, afburðagreind og greindarskert og allt þar á milli.

Áður en ég byrjaði sjálf að vinna með fötluðum þá fannst mér þetta frábært og sá alla þá fjölmörgu kosti sem fylgja því að þroskaheftir einstaklingar gangi í almennan skóla með "venjulegum" nemendum. Það myndi auka skilning skólabarna og almennings á fólki með fötlun og eyða þannig fordómum í þeirra garð, einnig gæti þetta verið hvetjandi og örvandi fyrir fatlaða einstaklinga og ýtt undir betri aðlögun þeirra við samfélagið.

En eftir að ég fór að vinna með fötluðum og sá muninn á þeim einstaklingum sem gengu í Öskjuhlíðarskóla, sem er skóli sem sérhæfir sig í að taka á móti börnum með fötlun eða örðugleika sem gerir þeim erfitt fyrir að ganga í almennan grunnskóla, og þeirra sem gengu, þrátt fyrir fötlun sína, í almennan grunnskóla. Þeir krakkar sem höfðu gengið saman í Öskjuhlíðarskóla voru nær óaðskiljanleg, rosalega góðir vinir og verða það án efa til æviloka. Þau hittast utan skóla til að leika, gista jafnvel nótt og nótt hjá hvoru öðru og gera allt sem við erum vön að gera með vinum okkar. Þessir krakkar eru félagslega vel stödd, full sjálfstrausts og með góða sjálfsmynd en hinir krakkarnir sem gengu í almenna skóla áttu fáa vini, voru útundan og voru komin mun styttra í félagslegum þroska.

Nú veit ég að ég get ekki alhæft út frá nokkrum einstaklingum sem ég kynntist - þó hef ég kynnst náið hátt á þriðja tug fatlaðra einstaklinga á bilinu 15-30 ár. En ég hef rætt þetta við manneskjur sem hafa verið í marga tugi ára í þessum bransa og þekkja nær alla fatlaða á stórhöfuðborgarsvæðinu og þær eru allar sammála þessu. Þær segja m.a. að þetta sé kannski í lagi á fyrri árum grunnskólans en með aldrinum stækki alltaf þetta bil á milli þroskahefta einstaklingsins og hinna. Jafnvel þó krakkarnir í bekknum séu rosalega duglegir að hafa þroskahefta einstaklinginn með í skólanum þá sé þetta ekki samskonar vinátta og hann gæti átt með öðrum á svipuðu leveli. Svo sé reynslan yfirleitt sú að á unglingsárunum sitji fatlaði einstaklingurinn einn heima eftir skóla og skilji ekki af hverju hinir krakkarnir hringi ekki í hann og hitti utan skóla og ég tala nú ekki um hvað verður eftir að grunnskólanum lýkur :( Þessi upplifun hefur síðan neikvæð áhrif á sjálfsmynd fatlaða einstaklingsins.

Í Kastljósi nú í kvöld mætti ein móðir og ræddi um slæma reynslu sína af því að senda dóttur sína, sem er með Downs-heilkenni, í Árbæjarskóla. Hún segir allt hafi gengið vel nema félagslega hliðin og kenndi því um að kennarar, aðrir en sá sem fylgdi dóttur hennar eftir allan daginn, hefðu ekki fengið námskeið í tákn með tali og væru því ekki nógu duglegir við að kenna hinum krökkunum það til að þau gætu tengst dóttur sinni og því hafi hún einangrast og verið aðeins áhorfandi félagslega. Hún bar þetta saman við það að dóttur hennar hafi gengið vel í almennum leikskóla og skildi ekki af hverju þetta ætti ekki að geta gengið jafn vel í grunnskólanum.

Ohh ég var svooo pirruð að horfa á þetta viðtal ...það gefur auga leið að þroskabilið á milli dóttur hennar og hinna barnanna var minna í leikskóla en svo heldur það áfram að stækka út alla skólagönguna! Ég get verið sammála því að það sé frábært fyrir hinn almenna nemenda að kynnast því að leika og starfa með fötluðum einstaklingi en ég er hrædd um að þetta gerir fatlaða einstaklingnum eingöngu erfiðara fyrir :(

Í starfi mínu með fötluðum þá tók ég mjög sjaldan eftir fordómum í garð þeirra, við fórum út um allan bæ með þau og oftast mætti okkur ekkert annað en góðvild og mikill skilningur. En þeir fordómar sem ég var helst vör við að skemmdi fyrir fötluðu einstaklingunum voru fordómar sumra foreldra fyrir fötlun barna sinna. Og þessa fordóma er ansi erfitt að uppræta því þeir eru ekki að mestu byggðir upp á fáfræði eins og iðulega með fordóma heldur afneitun á raunveruleikanum.

Dæmi um fordóma sumra foreldra er t.d. að þau halda því statt og stöðugt fram að barnið sitt sé svo klárt að það eigi að vera í almennum grunnskóla þrátt fyrir að barnið lendi endurtekið í hörðu einelti, verið fyrir stanslausu áreiti og fái í þokkabót ekki bestu mögulegu kennslu/ummönnun miðað við fötlun sína. Útkoman er óhamingjusamara barn sem hefur ekki náð sömu framförum og ef unnið hefði verið með það á skikkanlegan hátt, í viðeigandi umhverfi.

Annað dæmi er þegar foreldrar fatlaðra barna sem standa mjög hátt eru á móti því að það umgangist aðra með meiri fötlun en það og ala þannig á fordómum fatlaða einstaklingsins sjálfs á öðrum fötluðum einstakl. Í þessu fellst ákv. tvískinnungur því þeim finnst ekkert að því að barnið þeirra sé í hópi með hærra standandi eða "venjulegum" einstaklingum.

Jæja ...er búin að missa mig soldið hérna ...gæti haldið endalaust áfram ...en bottomlænið er að ég er alls ekkert svo viss um að við eigum að vera svona hörð á því að bjóða upp á grunnskóla fyrir alla! Held við gætum leitað annarra leiða til að ná fram sömu markmiðum - þ.e. að aðlaga fatlaða einstaklinga betur samfélaginu og eyða fordómum. Og ofan á allt saman þá er það mjög dýr leið að hafa einn og einn fatlaðann einstakling í hverjum skóla.

En ef til vill eru dæmi þess að þetta gangi vel - ég vona svo innilega að drengnum sem ég sagði frá í upphafi gangi allt í haginn og sé hamingjusamur :)

En hvað finnst ykkur? ef einhver var svo vitlaus að nenna að lesa þessa rullu hjá mér :)

Hættulega sjálfri mér nóg?

2005-10-14T18:50:00.000Z

Vaknaði í seinnafallinu í morgun ...aðeins of kalt til að fara undan elsku sænginni minni :( ...en ég drattaðist frammúr á endanum, kveikti á tölvunni til að prennta út glærur og sá mér til mikillar ánægju að tíminn og vettvangsferðin féll niður :) ...ohh þetta var æðisleg tilfinning - ég hafði grætt hálfan dag eða svo ;) ...það kom auðvitað ekki til greina að nýta hann í eitthvað skynsamlegt eins og að byrja á eitthverju af þeim verkefnum sem býða mín eða leggjast í lestur skólabóka ...neee það var ekki alveg málið.

Ég hef stundum áhyggjur af því hvað ég get verið hræðilega sjálfri mér nóg ...ég gæti alveg legið heima svo dögum skiptir án þess að leiðast - hlustað á tónlist, lesið, spilað á gítarinn, sungið, borðað, bakað eða bara hreinlega starað út í loftið :)
Er eiginlega hræðileg öfgamanneskja því ég nærist líka soldið á því að vera á sífelldu spani, snúast í félagsstörfum, taka að mér allt í heiminum og helst giftast vinkonum mínum! Æj ég veit ekki ...botna stundum ekkert í sjálfri mér ...held að minn helsti kostur og jafnframt helsti galli sé að ég á nokkuð auðvelt með að leiða hjá mér amstur hversdagsins - láta eins og ég þurfi ekki að vera búin að skila ritgerð fyrir morgundaginn og fara þess í stað út á línuskaut eða eitthvað annað ónauðsynlegt sem mér dettur í hug.

En allaveganna sit ég hér fyrir framan tölvuna kl. 19.00 og er enn í náttbolnum mínum (er reyndar búin að bregða mér í flíspeysu, joggingbuxur og inniskó) með Evu mína Cassidy í tækinu og er ekkert búin að gera að viti í dag og líður bara hreint út sagt æðislega með það :) ótrúlega hamingjusöm :) Búin að vera að dunda mér við eitt og annað, ég stalst til að mynda til að opna Alkemistann, sem ég keypti um daginn á tilboði til að eiga sem tækifærisgjöf, og sökk alveg ofan í hana í dag og er nú að berjast við að opna ekki líka Ellefu mínútur (sem er einnig eftir Paulo Coelho) sem fylgdi með í tilboðinu ...væri sko alveg til í að eiga annan sonna góðan dag á morgun og lesa hana :)

En veruleikinn er þarna úti og ég held það væri hættulegt fyrir mig að taka einn dag til viðbótar ...þá veit ég ekki hvort ég myndi komast út aftur ...tja eða neeee ég er nú ekki alveg svo slæm er það?

En ég á að mæta á masterclass námskeið í FÍH kl. 10 í fyrramálið - ógó spennó - svo ég er nú ekki í neinni hættu í þetta skiptið :) svo er ég ekki með stöð2 ...sem er ekki gott fyrir forfallið Idol nörd eins og mig so ætli ég drífi mig nú ekki í smá heimsókn og kíki í leiðinni í innflutningspartý til Eygló frænku :)

Eigiði góða helgi ...og veriði soldið góð við ykkur ...þó ekki væri nema fyrir mig ;)
Ykkar Gudda #

Fáðu þér ókeypis kilju :)

2005-10-10T14:51:00.000Z

Smelltu hér og fáðu þér ókeypis kilju ...mæli með "ÉG lifi" sem er ein besta bók sem ég hef nokkurntíman lesið :)

Góð helgi að baki :)

2005-10-09T20:18:00.000Z

Já þá er löng og góð helgi að baki, rambaði óvart inn á Októberfest á fimmtudaginn ætlaði bara að fá mér einn bjór eða svo ...en ...það endaði með 6 bjórum og sá síðasti rann niður á nokkrum sekúndum í bjórdrykkjukeppni :( ...já, ég var eins og gefur að skilja ekkert rosalega hress í tíma kl. 8 á föstudagsmorgninum!

En svo fór ég á Edit Piaf á föstudagskvöldinu... hreint út sagt ÆÐISLEG sýning ...hefði engu viljað breyta ...Brynhildur Guðjóns er eins og sniðin fyrir þetta hlutverk ...næstum óhugnalegt! Þið sem eruð ekki búin að sjá Edit Piaf drífið ykkur NÚNA! EKKI missa af þessu :)

Fór svo á málefnaþing með UJ í gær :) rosa vel heppnuð ferð ...bjór, grill, bjór, útlaginn, bjór og potturinn fram eftir morgni :)

Var að taka þetta próf hjá Rokkaranum tékkið á því :)

You Are 24 Years Old

Under 12: You are a kid at heart. You still have an optimistic life view - and you look at the world with awe.

13-19: You are a teenager at heart. You question authority and are still trying to find your place in this world.

20-29: You are a twentysomething at heart. You feel excited about what's to come... love, work, and new experiences.

30-39: You are a thirtysomething at heart. You've had a taste of success and true love, but you want more!

40+: You are a mature adult. You've been through most of the ups and downs of life already. Now you get to sit back and relax.

What Age Do You Act?

Með á Oktett Ragnheiðar Gröndal?

2005-09-28T19:33:00.000Z

Er einhver til í að koma með mér á Oktett Ragnheiðar Gröndal kl. 20:30 á sunnudaginn á Kaffi Reykjavík? kostar 1500 kr :)

Þið getið kíkt á þetta nánar hér :)

Klukk ...ég er´ann :)

2005-09-28T02:30:00.000Z

Já það kom að því að einhver klukkaði mig ...það var hún Rakel sem náði í afturendann á mér ...ætli mar verði ekki að vera með ;)

1. Ég á tvö yngri systkini sem eru mitt líf og yndi.

2. Er fædd og uppalin í Breiðholtinu með smá viðkomu í Hafnarfirði ...og ekki má gleyma sveitinni góðu sem á risa part í æskuminningunum og auðvitað Gerplu sem var eins og mitt annað heimili í rúman áratug :)

3. Ég er eiginlega bæði framfærin og alveg ógeðslega feimin í bland. Er oft rosa smeik við að koma fram og tala, syngja og svoleiðis (skelf eins og hrísla) en það er eitthvað þarna í kollinum líka sem hreinlega hrindir mér útí djúpu laugina í hvert sinn sem ég fer of nálægt. Þetta er einvher sjálfspíningarhvöt.

4. Ég var ótrúlegur hrakfallabálkur fram til 12 eða 13 ára aldurs, var með afsláttarkort á slysó og allt. Ég hljóp fyrir bíl og leit út eins og fílamaðurinn á eftir, hef 13sinnum fengið gat á hausinn og hef verið saumuð á all mörgum heilsugæslustöðum á suður og suðvesturlandi, nefbrotnaði og þurfti vegna þessa að fara í tvær aðgerðir og vera í viku á spítala ....ég gæti haldið upptalningunni áfram en held þið fattið hvað ég á við :)

5. Ég bý yfir fullt af kostum ;) ...er einlæg, hæfileikarík og hreinskilin. Svo er ég auðvitað líka meingölluð eins og við flest ;( ...ekki laus við hégóma og leti svo eitthvað sé nefnt!

KLUKK náði þér Sólveig :) ...ætla líka að klukka Tryggva og Hölla ;)

Á mar að byrja að blogga aftur?

2005-09-23T15:59:00.000Z

Komiði sæl og blessuð ...ef það eru þá einhverjar þrautseigar hræður enn að lesa :)

Jæja þá er tölvuvesenið mitt búið í bili (sjöníuþrettán)og þá er aldrei að vita nema ég fari að blogga eitthvað reglulega - lofa þó engu :) En tækin í lífi mínu hafa verið að gera mér lífið leitt undanfarið :( á fimmtudaginn síðasta bilaði talvan mín, síminn minn og bíllinn minn varð rafmagnslaus! ..já ég veit ...ég hefði alveg mátt búast við þessu þar sem þetta er GUÐRÚN BIRNA í hnotskurn :) En þetta gengur nú allt yfir á endanum - ég er allaveganna orðin internet tengd núna - samt ekkert rosalega sátt ...er með ömurlega lélega tölvu í láni hjá Tölvulistanum þar sem það tekur þá 1-2 mánuði að gera við mína og svo er ég með einhvern Nokia hlunk í láni hjá OgVodafon og eins og þið vitið þá hef ég aldrei nokkurntíman átt Nokia og kann því ekkert á þetta tryllitæki.

En nóg um það :) það er nefnilega ýmislegt fleira að frétta af mér. Það helsta er að ég var að flytja í 5 og síðasta sinn á árinu - júhúúúú :) ohh það er svoooo góð tilfinning :) ég er flutt inn á stúdentagarðana til hennar Arndísar minnar, Eggersgötu 20 - 301 :) er búin að koma mér voða vel fyrir og líður bara virkilega vel :D

Svo er ég byrjuð í FÍH :) starfið er komið á fullt og þetta er allt rosa spennandi og nýtt fyrir mér :) sé ótrúlega eftir því að hafa aðeins skráð mig í hálft söngnám hefði verið til í að taka hálft gítarnám með eða bara heilt söngnám - en ég er búin að skrá mig á biðlista svo það er aldrei að vita hvað gerist :)

En jæja, ætla að fara að sturta mig og solleis fyrir kvöldið :) innflutnings partý hjá Ástu og Guðna í kvöld :) Ásta klikkar sko ekki og bíður uppá fordrykk, dinner og flottheit :)

le Sage de Fontenay

2005-06-30T16:25:00.000Z

Komiði sæl,

Guðrún B. I. le Sage de Fontenay hér :)

Já eftir margra ára umhugsun hef ég loksins látið verða að því :) búin að taka upp eftirnafnið hennar mömmu :) ...vá mér líður ekkert smá furðulega ...stóð þvílíkt lengi við faxið áður en ég renndi því í gegn :) og er með svona spenning í maganum :)

Það kemur ykkur kannski soldið á óvart að ég noti ekki Guðrún Birna lengur en ekki örvænta, mínir nánustu verða áfram skyldaðir til að kalla mig Guðrúnu Birnu :) En þar sem maður má aðeins heita 31 stafabili hjá Hagstofunni þá varð ég að hafa það svona (þvílíkt úrelt lög sem er verið að fara að breyta, voru tilkomin vegna takmarkaðs geymslupláss í gömlum tölvukerfum). En það er nú bara á pappírunum.

En jæja Guðrún Birna le Sage de Fontenay kveður ykkur að sinni ;)

Ásta mín að verða fullorðin :)

2005-06-29T13:51:00.000Z

Ég kíkti í heimsókn til Ástu og Guðna í Engihjallann í gær og VÁDS!! ég á ekki til orð yfir breytingunum á íbúðinni! ...þetta er hreinlega ekki sama íbúð og ég bjó í, þau eru búin að rífa eitt herbergi, saga niður hluta af burðarvegg, rífa allt út og þá meina ég ALLT!, búin að mála allt miklu bjartar og fínna og eru á góðri leið með að setja allar nýju fínu innréttngarnar og dótið inn :) Ohh þetta verður nú meiri draumaíbúðin þegar allt er yfirstaðið :) og ég gleymdi meira að minnast á útsýnið ...þau eru með geðveikt útsýni í þrjár áttir yfir Reykjavík, hafið og Bláfjöll :)

En að öðru, ég var að fá bréf frá FÍH og er komin inn í jazz deildina hjá þeim :) ...er ekkert smá glöð - bjóst allt eins við því að vera vísað frá því það er rosalega aðsókn og fáum hleypt inn, svo er líka mælt með að maður sé búinn að taka einhvern grunn í klassísku söngnámi ...þannig að þetta var framar vonum :)

En svo fékk ég smá hnút í magann ...hef ég tíma fyrir þetta allt saman? skólann, UJ, vinnu og söngnám? Ég er náttla snillingur í að steypa mér á kaf í verkefni ...en það er bara svooo margt sem mig langar að gera ...bara get ekki njörvað það niður í minna en þetta! Nema að ég kannski sleppi því alveg að vinna og treysti algjörlega á námslánin? Já ég þarf að leggja höfuðið í bleyti :)

Það er annarst bara allt fínt að frétta, Sólveig kom að hitta mig í hádeginu, skokkaði til mín - ótrúlegur kraftur í telpunni :) ...ekkert smá gaman að hitta hana loksins :)

Svo er helgin framundan orðin fullbókuð eða eiginlega yfirbókuð, ætla að kíkja í háskólaútileguna á Skógum laugardag til sunnudags, svo er útilegu ættarmót alla þessa helgi í Yzta-bæli sem er auðvitað þar rétt hjá svo ég læt nú eitthvað sjá mig þar :) svo er saumógrill á föstudagskvöldinu nema að Þórunni takist að plata mig í Þórsmörk á föstudeginum og ganga svi yfir Fimmurðuhálsinn á Skóga á laugardeginum - sem er eitthvað sem ég er búin að vera á leiðinni að gera í mörg ár :)

Hvað það verður veit nú enginn :) en helgin lofar allaveganna góðu :)

Ekki upp á mitt besta...

2005-06-27T14:33:00.000Z

Sumarbústaðarferðin var hreint út sagt æðisleg, það er með ólíkindum hvað mér þykir orðið vænt um þessa UJ-ara, þau eru svooo yndisleg öll með tölu :) ...ég var nú bara óvenju spræk sonna miðað við aðstæður ...var í þvílíku stuði fram undir morgun en þá næstum sofnaði ég í pottinum og var rekin uppúr með harðri hendi ...var ekki alveg að samþykkja það að fara fyrr uppúr en hinir og missa kannski af einhverju - en fékk engu um það ráðið :)

Ég og Arndís fengum þessa líka snilldar hugmynd að sækja um að fá að vera saman í tvíbýli á stúdentagörðunum næsta vetur þar sem ég er nr. 12 í röðinni að komast að og franska gellan sem leigir núna með Arndísi flytur út nú í haust ...ohh hvað þetta væri kjörið :) ....fór og talaði við þær í Sútdentamiðlun áðan og það er bara mikill möguleiki á að þetta takist :) krossleggjum fingur :D

Annars verð ég að viðurkenna að ég er ekki alveg upp á mitt besta hér í vinnunni í dag, sit hér með sprungnar háræðar í augunum, ótrúlega viðutan og hreinlega stjörf :( ....en þetta var síðasta næturvaktin mín :) svo nú er ég frjáls um helgar það sem eftir lifir sumri :) ég man ekki hvenær ég var síðast laus við að vinna aðra hverja helgi ...ó það verður ljúft :) ...þessu fylgir þó mjög tregablandin ánægja ...það var voða sorglegt að kveðja krakkana í Hnotubergi í morgun ...en ég á örugglega eftir að fara margoft í heimsókn til þeirra í sumar ...á eftir að sakna þeirra alveg hræðilega mikið :o/

Elsku Mallan mín var svo að útskrifast um helgina :) ohh hún er svo dugleg telpan sú arna :) kíkti í mat til hennar í gær og þurfti því miður að kveðja hana og Ara því þau flugu aftur austur í morgun eftir stutt stopp :( ...svo er Ása Inga að fara út á miðvikudaginn :( ...en ég reyni að hugga mig við það að Sólveig var að koma frá köben nú um helgina og ætlar að vera svo góð að stoppa hjá okkur í heila 2 mánuði :)

En nóg um það ...nóg að gera og spennandi vika frammundan :)

Elsku fallega sumar :)

2005-06-24T15:02:00.000Z

Ó ég eeeeeeelska sumarið :) er svo orkumikil að ég held ég þurfi bara hreint ekkert að sofa ...eða allaveganna lítið ...var á næturvakt í nótt og fór svo beint í vinnuna og ég er hér enn bara í góðum fíling og get ekki beðið eftir að vera leggja af stað uppí bústað og opna einn kaldan :)

Er að fara í bústað á Flúðum með UJ-urunum, þetta er víst voða flottur bústaður - heitur pottur, trampólín og allar græjur :) Ætla nú samt að REYNA að forðast það að fara blind full á trampólínið ...hef fengið nógu mörg göt á trampólíni í gegnum tíðina þrátt fyrir að hafa verið alsgáð :)

Ég er komin í þvílíkan útilegugír, við vinkonurnar erum búnar að ákveða að fara á Skóga 1. helgina í júlí :) ...svo er ég búin að plana familíu útilegu í Tunguna hjá Kalmanstungu helgina eftir það og svo er það Birkihlíð 2005 helgina þar á eftir 15.-17. júlí :) og svo er bara ein helgi eftir óplönuð í júlí því við fimleikastelpurnar erum búnar að ákveða að fara allar saman til Eyja eins og í fyrra :) gleðigleðigleði :D ...held ég verði svo að fara að hemja þessa þjóhátíðar þrá mína því þetta verður mitt 5 skipti ...er það ekki bara orðið nokkuð gott?

En svo er ég með einar stórfréttir að lokum :) ...var að kaupa mér gítar :D LOKSINS :) nú get ég farið að æfa mig og æfa ...og hver veit nema ég verði orðin ágætlega glamrfær eftir sumarið :D

En jæja, ætla að reyna að vinna eitthvað smá áður en ég fer :) gleðigleðigleði :D

Langt um liðið

2005-06-22T13:05:00.000Z

Ójá það er heldur betur langt síðan ég bloggaði síðast :( Er ekki búin að vera með internet heima síðan ég fluttu, úff er algerlega úr kontakti við allt og alla og sé ekki einu sinni fréttir í þokkabót ...er svo vön að kíkja bara á það helsta í fréttum, kastljósi og ísl. í dag fyrir svefninn eða eitthvað ...ekki hægt að vera að binda sig yfir sjónvarpinu á einhverjum ákveðnum tíma þegar sólin sonna hátt á lofti!

En kannski var þetta bara nauðsynleg net pása ...var orðin ansi háð þessu rápi oft á dag, þetta er allt of mikill tímaþjófur! En nú er aðeins farið að róast hjá mér í vinnunni ...er komin inní allt það helsta og sonna svo ég er aðeins farin að geta stolist á netið :)

En það er nóg að frétta, enda langt um liðið frá síðasta bloggi ...er flutt enn og aftur, verð núna tímabundið hjá Þórunni :) er búin að koma mér voða vel fyrir en býst ekki við að stoppa lengi við ...er á biðlista eftir stúdentagörðunum og ef það klikkar fer ég örugglega að leigja einhversstaðar næsta haust :)

Er búin að fara tvisvar í sveitina það sem af er sumri :) Yndislega ferð fyrir 2 vikum þegar Kristó og Larissa komu í heimsókn og svo núna um helgina :)

Amma átti afmæli svo ég Þórunn, strákarnir, mamma og Ólöf systir kíktum í sveitina til hennar :) Við keyrðum austur í geðveiku veðri á sautjándann eftir að hafa gefist upp á að finna opna sundlaug í bænum :( ...hringdum í allar mögulegar laugar á leiðinni en allt kom fyrir ekki :( engin laug opin :( nema þá kannski gamla Seljarvallarlaugin en vildum ekki taka áhættuna á því að sólin næði ekki niður í gilið :( en við dóum nú ekki ráðalausar og keyptum bara eitt stykki uppblásna laug á Selfossi og lágum svo í henni í garðinum hjá ömmu fram eftir öllu :) Amma var að vísu ekki heima þegar við komum að Útgörðum en það var bara betra því þá gátum við bakað köku og undirbúið smá afmælisveislu fyrir hana :) Helgin var svo yndisleg í alla staði, eins og alltaf hjá ömmu í sveitinni, við fórum í sund, grilluðum, kíktum á heimalingana, spiluðum, fórum svo með gítarinn niðrí öldu og spiluðum og sungum framm yfir miðnætti :)

En að öðru, ég er ekki enn farin í fyrstu útilegu sumarsins :( ekki nógu gott! Elska útliegur og allt sem þeim fylgir ...grill, sofa í tjaldi, kassagítar, söngur, bjór og lopapeysan ...það jafnast hreinlega ekkert á við góða útilegu :) En ég er vonandi að fara í sumarbústaðarferð með UJ á föstudaginn EF ég næ að koma mér undan næturvakt :( ...ég held enn í vonina ...ég bara verð að komast!

En jæja, nú er kominn tími til að vinna eitthvað :)
Hafið það gott í sólinni í dag :)

Get ekki á mér setið lengur!!!

2005-05-25T23:40:00.000Z

Úff já þessi umræða um smölun Ungra jafnaðarmanna og meint kaup Ágústs Ólafs á atkvæðum er komin út fyrir öll velsæmismörk! Fyrst fannst mér þessar ásakanir hreinlega of lákúrulegar til að svara þeim, hélt að allir með smá vit milli eyrnanna myndu sjá í gegnum þennan málflutning nafnlausra heimildarmanna og DV ...en fólk virðist vera að kaupa þetta? og meira að segja háttvirt fjölmiðlafólk ...ég bara á ekki til orð ...held ég verði bara að koma nokkrum punktum á hreint:

1. Keypti atkvæði fyrir bjór og pizzur?
Ok, segjum sem svo að hann hafi boðið stuðningsmönnum sínum upp á bjór og pizzur hvað er öðruvísi við það en að Lúðvík Bergvinsson bauð sínum stuðningsmönnum upp á hvítvín og snittur föstudagskvöldið fyrir kostninguna? er þetta ekki bara týpísk leið til að sína þakklæti fyrir stuðning fólks sem aðstoðaði þá í kostningarbaráttunni?

2. Að rútur höfðu flutt börn og unglinga á kjörstað til að kjósa Ágúst?
Vinkona mín spurði mig nú í gær eftir að hafa lesið um þetta í fréttablaðinu: "bíddu er ég eitthvað að misskilja? mega börn kjósa í Samfylkingunni?". Hvernig í ósköpunum dettur nokkrum heilvita fréttamanni í huga að hafa svona vitleysu eftir? nei, auðvitað ekki, þessi ummæli hafa bara greinilega komið frá einhverjum tapsárum með mikla andúð á ungliðum (sem eru notabene fólk á aldrinum 16-35 ár)
Og hvað rútuna varðar þá get ég fullyrt að hún var ekki á vegum Ágústs Ólafs né Ungra jafnaðarmanna ...grunar helst að hún hafi bara ekkert komið Samfylkingunni við yfir höfuð, ótrúlegt að reynt sé að tengja hana við okkur og spinna svona sögusagnir :(

3. Svo var verið að reyna að kenna ungliðum og kjósendum Ágústs Ólafs um það að mikið fækkaði á landsfundinum eftir varformannskosninguna?
Ég tel það bara mjög eðlilegt að meiri áhugi hafi verið fyrir kosningu í varformann en kosningu í ritara flokksins. Svo ekki sé talað um þá staðreynd að úrslit úr formannskjörinu voru kynnt kl. 12 og svo hélt formaður ræðu í kjölfarið, þá voru hátt í 2000 manns á svæðinu svo hálftíma seinna þegar kosið var í varaformannina var strax búið að fækka gífurlega í hópnum og svo var líka gríðalega mikilvægur fótboltaleikur að hefjast kl.14 að ég held - Ég heyrði nú t.d. í Ellert B. Schram fyrir aftan mig í röðinni í varaformannskosningunni segja að hann ætlaði nú að drífa sig að kjósa og fara svo heim að horfa á leikinn.
Og það að ungliðar hafi verið fáir á þinginu er hreinlega rangt, það er umtalað eftir þetta þing að ungliðar hafi verið fleiri, sýnilegri og virkari en á fyrri þingum, og þó hluti þeirra hafi ekki verið á staðnum allt þingið þá sé ég ekkert athugavert við það, því fólk sem hefur verið styttri tíma í flokknum er ef til vill ekki alveg jafn vel inní lagabreytingum og jaxlarnir og hafa því minni tilgang til að vera út allt þingið. En taka ef til vill meira þátt þegar fram líða stundir.

4. Síðasta "fréttin" gaf það svo í skyn að Ungir jafnaðarmenn á landsvísu hafi stolið nýskráðum félögum undir 35 ára í Samfylkingarfélaginu á Akranesi yfir til sín, og að það hlyti að tengjast á einhvern hátt plotti Ágústs Ólafs um að kaupa sér varaformannsembættið!
Já ansi mikið hugmyndarflug þar á ferð. Ok gott og vel, það er rétt að leyfilegur fjöldi landsþingsfulltrúa á hvert félag fer eftir heildarfjölda félaga í viðkomandi félagi, en vert er að nefna það að Ungir jafnaðarmenn á landsvísu eiga enga landsþingsfulltrúa, til að geta verið landsþingsfulltrúi verður maður að vera skráður í eitthvað að undirfélögunum, eins og t.d. Ungum jafnaðarmönnum á Akranesi eða Ungum jafnaðarmönnum í Reykjavík. En ástæða þess að þessir ungu félagar skráðust ósjálfkrafa í Unga jafnaðarmenn á landsvísu er einfaldlega algild vinnuregla flokksins að allir nýskráðir undir 35 ára skráist sjálfkrafa inn í UJ nema að annað sé sérstaklega tekið fram. Og svona er þetta í öðrum stjórnmálaflokkum sem ég þekki til.

Ohh þetta mál er einfaldlega allt með ólíkindum og endurspeglar óvirðingu gagnvart ungu fólki. Flokksmenn verða einfaldlega að sætta sig við það að ungliðar eru um 1/3 hluti af öllum flokksmönnum og hafa því þokkalega mikið vægi í svona kostningu og þegar einn lofaðasti og efnilegasti ungpólitíkus landsins býður sig fram þá ætti ekki að teljast skrýtið að ungliðar hópi sig um hann.

Kosningar og kosningarbarátta snúast nú líka einu sinni um það eitt að afla sér fylgis, eigum við þá ekki bara að banna kosningarbaráttu? eða jafnvel kosningar?

Uff þetta er nú orðið miklu lengra en ég ætlaði að skrifa en samt sem áður eru eflaust fleiri dylgjur á sveimi sem ég hef ekki enn svarað en það geri ég með glöð geði ef eihver hefur áhuga :) ég hef bara ekki við að fylgjast með þessum spunakellingum.

Að lokum verð ég samt að geta þess að þrátt fyrir að ekki einn einasti ungliði hefði kosið í varaformannsslagnum þá hefði Ágúst Ólafur samt sem áður unnið, þvílíkir voru yfirburðir hans!

Áhugaverður fundur :)

2005-05-25T15:15:00.000Z

Já ég er enn og aftur að rífa mig um kynbundið ofbeldi :) ...en það er bara vegna þessa að mér finnst vera gífurleg þörf á því í þjóðfélagi okkar þar sem 10-20% kvenna verða fyrir heimilisofbeldi af hendi maka og hræðilega mörg börn alast upp við ótta og andlegt (og stundum líkamlegt) ofbeldi í kjölfarið! Þetta snertir okkur svo mörg og þess vegna hvet ég alla sem láta sér kynbundið ofbeldi varða til að mæta á þennan fund og kynna sér þessa stórsniðugu leið til að uppræta heimilisofbeldi!

Fimmtudaginn 26. maí kl. 20:30 halda Ungir jafnaðarmenn opinn fund með Kolbrúnu Halldórsdóttur þingmanni Vinstri grænna í höfuðstöðvum Samfylkingarinnar við Hallveigarstíg 1.

Kolbrún mun þar kynna frumvarp sitt um Austurrísku leiðina sem miðar að því að uppræta heimilisofbeldi með nýrri nálgun. Þessi leið miðar m.a. að því að tryggja fórnarlömbunum friðhelgi á sínu eigin heimili í stað þess að þau þurfi að flýja það með því róti sem því fylgir. Þessi leið hefur vakið mikla athygli víðsvegar í Evrópu og hafa mörg lönd tekið hana upp eða haft til hliðsjónar við gerð sérstakra laga um heimilisofbeldi.

Frammistaða stjórnvalda í þessum málaflokki er til háborinnar skammar fyrir Ísland. Sameinuðu þjóðirnar hafa ávítaðíslensk stjórnvöld fyrir að taka vægt á ofbeldi gegn konum, fagaðilar og þingmenn stjórnarandstöðu hafa ítrekað bent á leiðir til að bæta stöðu þeirra sem verða fyrir ofbeldi á heimili sínu en ekkert virðist ná til eyrna þessarar ríkisstjórnar. Því er mikilvægt fyrir okkur að vera vel upplýst um þennan málaflokk, hella okkur út í umræðuna og þrýsta þannig enn frekar á ríkisstjórnarflokkana.

Við hvetjum alla sem láta sér heimilisofbeldi og kynbundið ofbeldi varða til að mæta á þennan fund og kynna sér þessa leið, Kolbrún mun byrja á því að halda stutt erindi og sitja svo fyrir svörum svo þetta ætti að verða mjög líflegur og skemmtilegur fundur

Sjáumst ;)

Helgin

2005-05-23T14:51:00.000Z

Úff já helgin var frábær en ég er nú samt voða fegin að hún er á enda ...lítið sofið, mikið djammað og mikið púl! Allt fór að óskum Ingibjörg orðin formaður, Ágúst Ólafur varaformaður og þingið heppnaðist vel að öllu leiti :) Ég var nú frekar lúin eftir þessa helgi enda var okkur ungum jafnaðarmönnum heldur betur þrælað út ...sáum um að koma öllu draslinu upp og það var ekkert smáræði! yfir 1000 stólar, 150 borð, dreglar og dúkar yfir allt saman og svo allt rifið niður í gærkveldi! ...en líður betur eftir rúmlega 12 tíma svefn í nótt :)

Ég er annars ekkert farin að gera af viti eftir próf ...finnst allt of gott að slæpast :) ...er auðvitað eitthvað að vinna á skammtímavistinni en er ekki í fullri vinnu þar ...ætla að finna mér nokkur hús til að þrífa með en er ekkert farin að vinna í því enn :)

Hef annars nóg fyrir stafni ...er að æfa nokkur lög sem ég og Hölli ætlum að taka upp áður en hann flytur til DK :) það er ómögulegt að vera búin að æfa fullt í vetur og eiga engar upptökur eftir það!

Ég, Þórunn og Ásta erum svo búnar að stofna smá lestrarklúbb :) sonna til að veita okkur smá aðhald við sumarlesturinn :) ...maður ætlar sér alltaf að lesa fullt á sumrin en svo verður yfirleitt eitthvað minna úr því :( en fyrsta bókin sem við ætlum að taka fyrir er Hundrað ára Einsemd eftir Gabríel Garcia Marquez :) Svo mega auðvitað allir vera með :)

En jæja þarf að rjúka ...er að fara í Sundhöll Reykjavíkur með Ólöfu systur, vinkonu hennar og Silju :)

Eintóm hamingja :)

2005-05-18T02:33:00.000Z

...ohh já :) hef ekki getað annað en að brosa útaf eyrum í allan dag :) sólin skín í heiði og sumarið frammundan :)

Fór á starfsmannafund í morgun ...ohh hvað ég á nú eftir að sakna þessa vinnustaðar þegar ég hætti nú í haust :( ...mæli eindregið með því að fólk prófi að vinna með fólki með fötlun :) það gefur manni nýja sýn á lífið, kennir manni að meta hið smáa og að sjá fegurðina í einfaldleikanum :)

Eftir það fór ég í bæjarferð með henni Ástu minni ...ákvað að vera einstaklega góð við mig :) hækkaði yfirdráttinn og keypti mér tvo boli og pils ...held svei mér þá að þetta sé það fyrsta sem ég kaupi mér síðan ég var í Ædolinu.

Endaði svo kvöldið með UJ-urunum ..vorum að klára að semja texta í blaðið okkar, Samviskuna, sem kemur nú, í tilefni landsfundarins, út á prennti :)

Svo er stærsta helgi ársins frammundan ...landsfundur Samfylkingarinnar og auðvitað Júróvisíjón :)
En eins og þið vitið eflaust þá er ég forfallið Júróvisíjón NÖRD ...verð að horfa á það með mjög einbeittum hópi fólks sem tekur keppnina jafn alvarlega og ég :) híhí ...hver og einn verður að hafa sína eigin stigatöflu og solleis :)
Ég er líka orðin ótrúlega spennt fyrir landsfundinum því þetta er minn fyrsti :) hlakka til að sjá hvernig þetta fer allt saman fram!

En jæja ...kominn tími til að skríða upp í ból :)
Góða nótt xxx

prófin á enda ...

2005-05-14T00:24:00.000Z

...og er að leggja lokahönd á síðasta verkefni vetrarins :)

Já nú getur ég loks farið að leggja skólabækurnar á hilluna og farið að koma öllum hlutunum í verk sem ég var að skipuleggja í dagdraumum yfir skólabókunum. Ég ætla að lesa fullt af bókum mér til yndisauka, æfa mig á gítarinn og að syngja, skemmta mér, línuskauta, æfa fimleika og koma mér í formIÐ, fara í fullt af útilegum, fara í hestaferð, ganga á fjöll, dvelja í sveitinni hjá ömmu, eiga góðar stundir með vinum og systkynum, læra, fara í sumarpróf, vinna og helst skreppa eitthvað út! - Bjartsýn :)

En einhvers staðar verður maður að byrja :) ...en hvar? ...hafiði lesið góða bók nýlega? endilega bendiði mér á eina must read :)

En að öðru ...fór í langþráða kilppingu í morgun ...klúðraði henni gersamlega :( ...hárið var nebbla orðið soldið lúið eftir permanett flippið mitt nú í vetur svo ég ákvað að fá mér skol og láta klippa soldið vel af því til að fá smá rækt í það ...ohh væri sko alveg til í að fá lúna hárið mitt aftur, er komin með axlarsítt mollu brúnt hár ...ekki alveg að fíla það :(

Einn góður frá Ara :)

2005-05-12T00:18:00.000Z

Eins og venjulega fór Eddi snemma í háttinn, kyssti konuna góða nótt og steinsofnaði. Seinna um nóttina vaknar hann og sér gamlan mann inn í svefnherberginu,klæddan í hvítan kufl.

"Hvað í andskotanum er tu að gera í svefnherberginu mínu ?" segir Eddi reiður.

"Þetta er ekki svefnherbergið þitt," segir maðurinn, "þú ert kominn til himna og ég er Lykla-Pétur."

"HVAÐ? Ertu að segja að ég sé dauður ? Ég vil ekki deyja... ég er allt of ungur og á eftir að gera svo margt," segir Eddi. " Ef ég er dauður þá vil ég að þú sendir mig til baka á stundinni!"

"Það er nú ekki svo einfalt," Svarar Pétur. Þú getur aðeins snúið tilbaka sem hestur eða hæna. Eða haldið áfram að vera dauður auðvitað.

Eddi hugsaði þetta í nokkrar mínútur og komst að því að það er örugglega ekkert auðvelt líf að vera hestur, úti að hlaupa allan daginn með einhvern á bakinu, svo af tvennu illu þá væri líklegra betra að snúa aftur sem hæna. Það væri ábyggilega letilíf.

"Ég vil snúa aftur sem hæna..." samstundis var Eddi kominn í hænsnakofa með fallegar fjaðrir og allar græjur. En almáttugur hvað honum var illt í afturendanum. Það var eins og hann væri að springa!

Þá kemur haninn....

"Hæ þú hlýtur að vera ný hérna. Hvernig hefurðu það?

"Allt í lagi býst ég við" Svarar Eddi en mér finnst eins og rassinn á mér sé að springa!

"Þú ert bara að fara að verpa. Hefurðu aldrei verpt áður?

Nei hvernig geri ég það?

"Gaggaðu tvisvar og þrýstu svo af öllu afli" Svarar haninn. Og Eddi gaggar tvisvar og rembist svo eins og hann eigi lífið að leysa. Skömmu síðar liggur hans fyrsta egg á gólfinu.

"Vá segir Eddi þetta er meiriháttar svo gaggar hann aftur tvisvar og byrjaði að rembast og eitt egg í viðbót liggur á gólfinu.

Þegar hann gaggar í þriðja sinn heyrir hann konuna sína öskra: "Vaknaðu Eddi, í öllum bænum. Þú ert búin að skíta út um allt rúm!

Gaaarrg....!

2005-05-11T12:11:00.000Z

Já ég er ekki sátt við þetta :(

Ég sem hafði sonna rétt einu sinni trú á að ríkisstjórnin myndi gera það rétta ...eða að minnsta kosti leyfa alþingi að ræða um málið og taka afstöðu á lýðræðislegan hátt!

Mildaði meira að segja orðalag í greininni minni! Í stað þess að segja:

Loksins fær lýðræðið fram að ganga og Alþingi tækifæri til að rökræða málið. Nema auðvitað að stjórnarmeirihlutinn gerist svo óforskammaður að koma í veg fyrir að málið komist á dagskrá þingsins en hann ræður hvaða mál eru sett á dagskrána.

Sagði ég:

Loksins fær lýðræðið fram að ganga og Alþingi tækifæri til að rökræða málið. Nú er bara að vona að ríkisstjórnin setji frumvarpið á dagskrá sem fyrst.

En ríkisstjórninni er geinilega ekki sama hvaðan góð mál koma :( og nú þegar svo mikil þverpólitísk samstaða er um stjórnarandstöðufrumvarp og ekki er víst að þeir hafi nóg baklandi í sínum flokkum til að kíla frumvarpið í gegn eins og þeir vilja hafa það þá þora þeir ekki einu sinni að leyfa alþingi að ræða það.

Gungur :(

Njóta konur ekki sama kynfrelsi og karlar í íslensku samfélagi?

2005-05-10T11:25:00.000Z

Í Sunnudagsþættinum var umræðuefnið hinn margumræddi Íslandsþáttur Opru, sem nær enginn hefur þó séð ...mjög fyndið :)Þetta var mjög áhugaverð umræða og velt upp mörgum hliðum á þeirri þversögn að heimta kvenfrelsi og brennimerkja svo konur þegar þær loks nota frelsið ...og auðvitað það að aldrei sé talaðu um íslenska karla í þessu lauslætistali öllu saman!

Þessi umræða um meint lauslæti íslenskra kvenna styður þær hugmyndir feminista að afturkippur sé kominn í jafnréttisbaráttuna. Kvenréttindabarátta 7. og 8. áratugar snérist einmitt að stórum hluta um kynfrelsi kvenna og að konur fengju þau sjálfsögðu mannréttindi að fá að taka eigin ákvarðanir í kynferðismálum. Ávinningur þessarar baráttu var m.a. að hætt var að refsa börnum fyrir að vera óskilgetin og orðið lauslæti missti merkingu sína og hætti nánst að vera til en þetta orð er afsprengi margra alda tilrauna til að hafa stjórn á kynhvöt kvenna.

En nú hefur þetta orð poppað aftur upp í umræðuna nú síðustu ár, en hver segir að við eigum að skammast okkar fyrir þetta? Þó að miðaldra konum hjá Opru hafi blöskrað að það kæmi fyrir að konur svæfu hjá á fyrsta stefnumóti á Íslandi er ekki þar með sagt að siðferði okkar á Íslandi sé eitthvað verra, heldur jafnvel betra. Eigum við ekki að vera stolt að því að konur á Íslandi í dag njóta sama kynfrelsi og karlar :) Eigum við að fordæma konur sem taka eigin ákvarðanir í kynferðismálum? Eru þetta ekki bara einkaréttindi hvers og eins og einkamál hvernig fólk nýtir þetta kynfrelsi? Eigum við að vera á móti því að konur stundi kynlíf sér til ánægju en ekki aðeins til barneigna?

En hefðu þessi ummæli Svanhildar hjá Opru vakið sömu viðbrögð í Evrópu? ...efast um það! Viljum við taka upp bandarískt siðferði sem einkennist að hluta að íhaldsöflum sem byggð eru á trúarlegum grunni? Siðferði strangtrúaðra rebublikana virðist vera að færast meira og meira aftur til fortíðar og þeir farnir að predika aldagamlar hugmyndir púrítana um að góð hegðun sé besta leiðin til himnaríkis.

En hvað finnst ykkur? ...sáuði þennan þátt? ...bendi þeim sem missti af honum á vefsjónvarp SkjásEins :)

Það verður að afnema fyrninguna! Ekki nóg að lengja um 4 ár.

2005-05-08T15:18:00.000Z

Já þá er ég mætt aftur með grein um kynferðisafbrot gegn börnum. Ég bara gat ekki setið á mér, finnst allir vera að kaupa rök Bjarna Ben og kó :( ....það sem rak mig endanlega til þess að skrifa aðra grein var það að heyra frá ömmu minni að Bjarni Ben væri nú ekki svo slæmur - því hann væri nú með svo gott frumvarp sem tæki á kynferðisafbrotum gegn börnum ....arg! Eins og ég lít nú mikið upp til hennar ömmu minnar, bráðgáfuð kona, en svona spila þessir menn á almenning :(

Jónína Bjartmars reynir auðvitað enn og aftur að slá sig til riddara með því að gæla við að styðja vinsæl mál eins og þetta ...en gerir svo eins og henni er sagt þegar á það reynir. Sbr. fjölmiðlamálið, talaði gegn því en sat svo bara hjá þegar þar að kom, hefði getað fellt stjórnarmeirihlutan með því einu að greiða atkvæði MEÐ sinni sannfæringu!!!

Já og nú segist hún ekki útiloka að afnema fyrningu á alvarlegustu kynferðisafbrotum gegn börnum, manneskjan hefur hreinlega ekki kynnt sér þessi mál nægilega vel, því hvar ætlar hún annars að draga mörkin? T.d. það að sjúga eða sleikja ytri kynfæri stúlkubarns (snípinn t.d.) telst aðeins til kynferðislegrar áreitni og fyrnist aðeins á 5 árum, af því í núverandi lögum teljast konur ekki vera með jafn mikilvæg ytri kynfæri og karlar.

Ohh þetta er bara allt ógeðslegt!!! og á að afnema fyrningu í öllum þessum brotum!!!

En hér kemur greinin:

Lenging fyrningar um fjögur ár ekki nóg!

Það er sannarlega gleðiefni að frumvarp Ágústs Ólafs Ágústssonar um að afnema fyrningu í kynferðisafbrotum gegn börnum hafi nú verið afgreitt úr nefndinni. Loksins fær lýðræðið fram að ganga og Alþingi tækifæri til að rökræða málið. Nema auðvitað að stjórnarmeirihlutinn gerist svo óforskammaður að koma í veg fyrir að málið komist á dagskrá þingsins en hann ræður hvaða mál eru sett á dagskrána.

Afgreiðsla meirihluta allsherjarnefndar var þó mikil vonbrigði þar sem hann treystir sér ekki til að afnema fyrninguna heldur lengir frestinn einungis um 4 ár. Því er ekki að neita að það er ákveðinn sigur að fá málið afgreitt úr nefndinni en því miður enginn fullnaðarsigur. Það er skref í rétta átt að fá fyrninguna lengda um fjögur ár en vegna eðli þessara brota ekki nærri því nóg. Samkvæmt ársskýrslu Stígamóta líður oft mjög langur tími frá því að brot gegn barni er framið þar til brotaþolinn er reiðubúinn að ræða málið og leita sér aðstoðar. Rúmlega 40% þeirra sem leita sér hjálpar hjá Stígamótum eru 30 ára eða eldri en samkvæmt núverandi fyrningarreglum eru öll kynferðisafbrot gegn börnum fyrnd þegar brotaþolinn hefur náð 29 ára aldri. Þó við hækkum þennan aldur þannig að brotin fyrnist á bilinu 23 - 33 ára þá munum við samt sem áður halda áfram að fá fram mál þar sem sekt hins seka hefur verið sönnuð en hann sýknaður því brotið hefur þá þegar verið fyrnt.

Hvað telur meirihluti Allsherjarnefndar til alvarlegustu brota?
Stjórnarmeirihlutinn í Allsherjarnefnd útilokar þó ekki að afnema fyrningu í alvarlegustu brotunum, en hvað þýðir það? Hvar ætla þeir að draga mörkin? Það er nefnilega mikill misskilningur að kynferðislega áreitni gegn börnum felist eingöngu í að slegið sé á bossa einhvers. Þessi skil á milli alvarleika kynferðisafbrota í lögunum í dag er vægast sagt mjög umdeild. Sem dæmi má nefna að lögin halla mjög á kvenkyns brotaþola þar sem greina þarf á milli þess hvort kynferðisafbrotamaðurinn hafi farið í innri eða ytri kynfæri stúlku. Þau brot þar sem ekki er farið í innri kynfæri stúlkubarns teljast aðeins til kynferðislegrar áreitni og fyrnast því aðeins á 5 árum. Eftir breytingu meirihluta allsherjarnefndar munu slík brot vera fyrnd þegar brotaþolinn hefur náð 23 ára aldri, burtséð frá lengd brotartíma, aldur brotaþola þegar misnotkunin átti sér stað og svo framvegis. Vill allsherjarnefnd þá ekki telja langvarandi kynferðislega misnotkun á ytri kynfærum stúlkna til alvarlegustu brota? Finnst þeim rétt að greina þarna á milli? Þessi mismunun á meðferð kynferðisafbrota gegn stúlkum og drengjum er auðvitað hreint og beint kynjamisrétti.

Það á að telja kynferðisafbrot gegn börnum til alvarlegustu brota!
Hvaða brot fyrnast og fyrnast ekki byggir ekki á einhverju ófrávíkjanlegu lögmáli heldur er þetta spurning um þá pólitísku ákvörðun um að hafa sum brot ófyrnanleg. Nú þegar eru mörg brot sem ekki fyrnast, s.s. mannrán, manndráp, ítrekuð rán, landráð, brot gegn stjórnskipan ríkissins og hryðjuverk. Þess má geta að lögum um fyrningu var breytt árið 1982 en fyrir þann tíma voru ófyrnanleg brot mun fleiri. Það er því eingöngu pólitísk ákvörðun hvort kynferðisafbrot gegn börnum séu metin til alvarlegustu brota.

Í dag er talið að nær fimmta hvert barn verið fyrir kynferðislegri misnotkun. Þetta er eitt stærsta þjóðfélagsmein okkar tíma og verðu að uppræta. Til þess verður að eiga sér stað vakning löggjafa og fagstétta á alvarleika og sérstöðu þessara brota. Við verðum að senda skýr skilaboð út í samfélagið um að kynferðisafbrot gegn börnum séu ekki liðin. Sagan sýnir okkur að oft breytist hugarfar ekki fyrr en í kjölfar lagasetningar, með því að afnema fyrningu í kynferðisafbrotum gegn börnum sýnum við með skýrum hætti hversu alvarlegum augum við lítum þessi brot og viðurkennum þessi brot í flokki með allara alvarlegustu brotum.

Er nektardans listgrein?

2005-05-04T19:16:00.000Z

Norsk skattayfirvöld hafa allaveganna komist að þeirri niðurstöðu svo nektarstaðir þar í landi þurfa ekki lengur að borga virðisaukaskatt af miðaverði frekar en leikhús. Bendi á frétt um þetta hér.

Hvað finnst ykkur um þetta? Á að flokka nektardans undir listgrein líkt og ballett og önnur dansform?

Allir að skora á Bjarna Ben!!!

2005-05-02T19:32:00.000Z

Auglýsi eftir einum svona :)

2005-05-01T20:53:00.000Z

Your dating personality profile:

Liberal - Politics matters to you, and you aren't afraid to share your left-leaning views. You would never be caught voting for a conservative candidate.
Athletic - Physical fitness is one of your priorities. You find the time to work athletic pursuits into your schedule. You enjoy being active.
Big-Hearted - You are a kind and caring person. Your warmth is inviting, and your heart is a wellspring of love.

Your date match profile:

Liberal - You need a person who has liberal opinions and beliefs. You are engaged by political discussions and would find a liberal viewpoint refreshing in a date.
Intellectual - You seek out intelligence. Idle chit-chat is not what you are after. You prefer your date who can stimulate your mind.
Practical - You are drawn to people who are sensible and smart. Flashy, materialistic people turn you off. You appreciate the simpler side of living.

Your Top Ten Traits

1. Liberal
2. Athletic
3. Big-Hearted
4. Outgoing
5. Adventurous
6. Practical
7. Intellectual
8. Religious
9. Wealthy/Ambitious
10. Sensual

Your Top Ten Match Traits

1. Liberal
2. Intellectual
3. Practical
4. Big-Hearted
5. Athletic
6. Adventurous
7. Funny
8. Shy
9. Traditional
10. Religious

Take the Online Dating Profile Quiz at Dating Diversions

Kall á aðgerðir gegn heimilisofbeldi!

2005-04-30T15:00:00.000Z

Jæja ég hljóp nú aðeins á mig í gær :( ...var ekki búin að lesa nýja dóminn áður en ég fussaði og sveiaði yfir honum! ...en mér finnst hann nú samt sem áður ennþá of vægur, þó hann sé skárri en dómur Héraðsdómas Reykjarness, en það er ekki Hæstarétti að kenna heldur bjóða núverandi hegningarlög bara ekki upp á meira.

En ég ákvað að skrifa almennilega grein um þessi mál:

STJÓRNVÖLD VAKNIÐI!!!

Hæstiréttur lögfesti nú á fimmtudaginn dóm yfir manni sem fundinn var sekur fyrir heimilisofbeldi en dómur Héraðsdóms Reykjarness um þetta mál vakti mikla reiði í þjóðfélaginu nú fyrr í vetur. Þó dómur hæstaréttar sé mjög vægur þá er hann skref í rétta átt og mun betri en sá fyrri þar sem hæstiréttur tekur ekki undir þau rök er lágu ofbeldismanninum til málsbóta í héraðsdómi eins og “hún reitti hann til reiði”. Ég bendi á mjög góða greinagerð Kvennaathvarfsins um dóm Héraðsdóms Reykjarness sem er að nálgast hér.

Kallar á sérstaka löggjöf um heimilisofbeldi
Þessi dómur ítrekar enn og aftur þörfina fyrir sérstaka löggjöf um heimilisofbeldi. Í hegningarlögunum í dag skiptist refsiramminn í tvennt eftir alvarleika brota og heimilisofbeldi lendir nánast undantekningarlaust í lægri refsirammanum. Ástæðan er sú að aðeins er tekið tillit til líkamlegra áverka en ekki til þess hve langur brotatíminn er, aðstöðumunar ofbeldismanns og fórnarlambs, andlegs ofbeldis og fleiri þátta sem skipta máli þegar horft er til alvarleika og sérstöðu heimilisofbeldis.

Eitt stærsta vandamálið við að koma höndum yfir þessa ofbeldismenn er að konur, sem hafa búið við ofbeldið svo árum eða áratugum skiptir, eru oft á tíðum mjög tregar við að rísa gegn ofbeldismanninum, stíga út úr vítahringnum og kæra, þar sem hræðsla og brotin sjálfsmynd þessara kvenna blindar þeim sýn. Ekki bætir þessi dómur ástandið heldur sendir þessum konum mjög letjandi skilaboð. Það er sjaldgæft að svo borðliggjandi dómur komi fyrir rétti, áverkaskýrsla og skýrsla vitnis sem hjálpað hálfberri konunni í skjól var lögð fram, en samt er dómurinn ekki harðari en raun ber vitni .

Áhugaleysi stjórnarflokkanna til skammar!
Nú er mælirinn fullur. Það bara VERÐUR að gera eitthvað í þessum málum! Ríkisstjórnarflokkarnir hafa nú enn og aftur ekkert frumkvæði og ekki nóg með það heldur standa þeir hreinlega í vegi fyrir úrbótum í málaflokknum. Stígamót, Kvennaathvarf og fleiri aðilar sem láta sig málið varða hafa ár eftir ár þrýst á stjórnvöld um að gera heildstæða aðgerðaráætlun í málum er snerta kynbundið ofbeldi og heimilisofbeldi líkt önnur lönd hafa gert en ekkert gerist. Samfylkingin lagði fram í vetur mjög góða þingsályktunartillögu þar sem mælt er með því að heimilisofbeldi sé skilgreint sérstaklega í lögum, en tillagan hefur ekki fengið hljómgrunn meðal stjórnarþingmanna. Kolbrún Halldórsdóttir hefur nú tvívegis lagt fram frábært frumvarp til laga um Austurrísku leiðina sem miðar að því að tryggja fórnarlömbunum friðhelgi á sínu eigin heimili í stað þess að þurfa að flýja eigið heimili með því róti sem því fylgir, en enn og aftur sýna stjórnarþingmenn þessu máli engan áhuga. Fyrsta skrefið gæti einmitt verið að samþykkja þessi mál. Þess má geta að þegar Kolbrún talaði fyrir þessu máli í þingsal nú fyrir stuttu þá var ekki einn einasti stjórnarþingmaður viðstaddur! HVAÐ ER AÐ? Það er greinilega ekki sama hvaðan góð mál koma.

Sameinuðu þjóðirnar ávíta íslensk stjórnvöld fyrir aðgerðarleysi!
Frammistaða stjórnvalda í þessum málum er til háborinnar skammar fyrir Ísland. Sameinuðu þjóðirnar hafa ávítað íslensk stjórnvöld fyrir að taka vægt á ofbeldi gegn konum. Stjórnarandstaðan hefur komið með hverja þingsályktunartillöguna, fyrirspurnir og frumvörp á fætur öðru, Stígamót og Kvennaathvarfið hafa fundað með þingmönnum allra stjórnmálaflokkanna á hverju ári svo árum skiptir og komið með tillögur til úrbóta en ekkert gerist. Enginn virðist ná til eyrna þessarar ríkisstjórnar. Stjórnarandstaðan gerir sitt besta en það sem kemur frá henni er því miður kæft í nefnd trekk í trekk. Ef til vill gerist ekkert fyrr en Samfylkingin leiðir ríkisstjórn.

Stjórnvöld gera illt verra
Stjórnvöld hafa ekki sett sér heildstæð markmið né sett fram framkvæmdarályktun til að koma í veg fyrir kynbundið ofbeldi, hafa skorið niður í þjónustu neyðarmóttöku vegna nauðgana og rannsóknarverkefni á vegum Rauða krossins um meðferð fyrir þá sem valda heimilisofbeldi og kynferðisafbrotum var hætt í miðju ferli vegna fjárskorts!

Það er greinilegt að stjórnarflokkarnir hafa hreinlega ekki nægan áhuga á þessum málum - eða setja þau allavega mjög aftarlega í forgangsröðina.

Hægrisinnaðir flokkar áhugalausir um þessi málefni?
Á ráðstefnu um ofbeldi gegn konum, sem fór fram fyrir nokkrum árum með fulltrúum frá öllum Evrópulöndunum, var gerð óformlega könnun á því hvernig málum var háttað í hverju landi fyrir sig, þ.e. hvort til væri aðgerðaráætlun, búið væri að setja sér lög um heimilisofbeldi eða hvort einhver vinna væri í gangi til að koma í veg fyrir kynbundið ofbeldi o.s.frv. Þá kom í ljós að flest öll löndin voru búin að setja sér markmið og með ferli í gangi til að koma í veg fyrir þetta algengasta mannréttindarbrot í heiminum í dag. Þau lönd sem EKKERT höfðu aðhafst í þessum málaflokki, þar á meðal Ísland, áttu það sameiginlegt að þar höfðu hægrisinnaðir flokkar verið við völd meira og minna síðustu 10 -15 ár! ...varla tilviljun?

Sem dæmi um þetta má nefna Austurríki sem er mjög framarlega í þessum málaflokki og önnur lönd í Evrópu hafa mikið litið til þeirra við gerð sinnar stefnu. Árið 1997, þegar Austurríska leiðin var sett í lög, voru einmitt vinstri sinnuð stjórnvöld við lýði en eftir að hægriflokkur komst þar til valda fyrir nokkru hefur verið dregið mjög úr framlögum til þessa málaflokks svo loka hefur þurft athvörfum ofl.

Hvað þurfa margir að deyja?
Að hafa ekki stefnu í þessum málaflokk er hreinlega óafsakanlegt. Hvað þarf að gera til að fá stjórnvöld til að viðurkenna ofbeldi gegn konum? Heimilisofbeldi er eitt algengasta mannréttindarbrot í heiminum í dag og mjög stórt heilbrigðisvandamál meðal kvenna. Um 70% myrtra kvenna í Bretlandi falla að völdum heimilisofbeldis, ég veit ekki prósentutöluna á Íslandi en hér voru allaveg tvær konur myrtar á síðasta ári sökum heimilisofbeldis. Ekki má heldur gleyma því að karlmenn deyja líka að völdum heimilisofbeldis því til eru mörg dæmi þess að kúgaðar eiginkonur drepi menn sína í sjálfsvörn. Þetta hefur einmitt verið rannsakað á Spáni, þið getið séð grein um það hér.

Ef þessar tölur eru ekki nóg til að vekja stjórnvöld til umhugsunar þá er þeim ekki við bjargandi.

Hún reitti hann til reiði ....

2005-04-29T11:16:00.000Z

Var að lesa grein á pólitík eftir hann Jens, vá hvað ég er brjáluð!!

Hæsti réttur lögfesti ss. dóm í gær um heimilisofbeldismálið sem vakti svo mikla reiði í þjóðfélaginu nú fyrr í vetur, en dómurinn var mjög vægur vegna þess að það var talið að "hún hafi reitt hann til reiði" ....arg! Mjög góð greinagerð um fyrri dóminn er að finna hér.

Aðal vandamálið við að koma höndum yfir ofbeldismenn er að konur, sem hafa búið við ofbeldið svo árum eða áratugum skiptir, hafi hingað til verið mjög tregar við að rísa gegn ofbeldismanninum og kæra, þar spila auðvitað inní hræðsla, meðvirkni og fl. Og ekki hjálpar þessi dómur :( hann sendir hræðileg skilaboð til þessara kvenna!

Það bara VERÐUR að fara að gera eitthvað í þessum málum!! og að samþykkja þingsályktunartillögu Samfylkingarmanna um að skilgreina eigi heimilisofbeldi í lögum og frumvarp Kolbrúnar Halldórsdóttur um Austurrísku leiðina ...gæti verið fyrsta skrefið!

Frammistaða stjórnvalda í málum er snerta kynbundið ofbeldi er til háborinnar skammar fyrir Ísland. Sameinuðu þjóðirnar hafa ávítað íslensk stjórnvöld fyrir að taka vægt á ofbeldi gegn konum. Stjórnarandstaðan hefur komið með hverja þingsályktunartillöguna, fyrirspurnir og frumvörp á fætur öðru, Stígamót og Kvennaathvarfið hafa fundað með þingmönnum allra stjórnmálaflokkanna á hverju ári svo árum skiptir og komið með tillögur til úrbóta en ekkert gerist - nema það sem kemur frá stjórnarandstöðunni og er trekk í trekk kæft í nefnd :(

Stjórnvöld hafa ekki myndað sér heildstæð markmið né framkvæmdarályktun til að koma í veg fyrir kynbundið ofbeldi, hafa skorið niður þjónustu neyðarmóttöku vegna nauðgana og rannsóknarverkefni um meðferð fyrir þá sem valda heimilisofbeldi og kynferðisafbrotum var hætt í miðju ferli vegna fjárskorts!

Það er greinilegt að stjórnarflokkarnir hafa hreinlega ekki nægan áhuga á þessum málum - eða setja þau allaveganna mjög aftarlega í forgangsröðina! Þetta gengur bara ekki lengur!!

Á ráðstefnu um ofbeldi gegn konum, sem fór fram fyrir nokkrum árum með fulltrúum frá öllum Evrópulöndunum, var gerðu óformlega könnun á því hvernig málum var háttað í hverju landi fyrir sig, s.s. hvort til væri aðgerðaráætlun, búið að setja lög um heimilisofbeldi eða einhver vinna til að koma í veg fyrir kynbundið ofbeldi o.s.frv. Þá kom í ljós að flest öll lönd voru á góðu róli og að gera allt sem í þeirra valdi stóð til að koma í veg fyrir þetta algengasta mannréttindarbrot í heiminum í dag. EN ...þau lönd þar sem EKKERT hafði verið gert í þessum málaflokki, þar á meðal Ísland, áttu það sameiginlegt að þar höfðu hægrisinnaðir flokkar verið við völd meira og minna síðustu 10- 15 ár! ...varla tilviljun??

Sem dæmi um þessi vinstir-hægri áhrif er Austurríki sem er mjög framarlega í þessum málum og önnur lönd í Evrópu hafa mikið litið til þeirra við gerð sinnar stefnu. T.d. Austurríska leiðin sem tekin hefur verið upp að fullu eða að hluta til á hinum Norðurlöndunum og í norður Evrópu. (Kolbrún Halldórsdóttir hefur lagt fram tillögu um þetta mál í þinginu og ÁÓÁ og fleiri þingm. Samfylkingarinar stutt) En það voru einmitt vinstri sinnuð stjórnvöld sem komu þessu á. En eftir að hægriflokkur komst þar til valda fyrir nokkrum árum hefur verið dregið mjög úr framlögum til þessa málaflokks svo loka hefur þurft athvörfum ofl.

En jæja á nú ekki að vera að blogga núna ...er að fara í próf eftir 2 tíma :( ...en réði bara ekki við mig ...er alveg brjál yfir þessum dómi!!!

Ef þið viljið vita meira um þetta málefni endilega hafiði samband og ég get sent ykkur linka og efni :)

Ein aðeins að slugsa....

2005-04-28T21:42:00.000Z

Jæja klukkan bara rétt að verða tíu og ég alveg að verða búin með batteríin :(

...sit hér í Odda að lesa um félagslíffræði sem svipar til hugmynda sem t.d. Hellisbúinn byggði á :) en rakst á nokkuð skondnar hugmyndir Fritz nokkurs Kahn, en hann heldur því fram að samskipti kynjanna snúist fyrst og fremst um það að koma genum sínum áfram ...humm er þetta ekki flóknara eftir allt saman? ....en hann segir:

"Öll tilvera heilbrigðrar og þroskaðrar konu, sem ekki hefur lent á glapstigum, er helguð kynlífinu. Það er kynhvötin sem gerir fötin að þýðingarmesta viðfangsefni kvenlegrar hugsunar... Kynhvötin gerir val á höfuðfati eða liðun á hári að svo yfirgripsmiklu viðfangsefni að hún getur hugsað um það dögum saman og jagast um það við hárgreiðslustúlkuna tímunum saman."

Tja ...hehe þetta er skemmtileg pæling en af henni að dæma hef ég nú eitthvað lent á glapstigum ...fötin eru ekki alveg það þýðingarmesta í tilveru minni þó kynhvötin sé nú ofarlega :)

Prófin nálgast óðfluga...

2005-04-22T16:50:00.000Z

Jæja þið verðið að afsaka þetta leiðindatest hér að neðan ...það var viljandi gert mjög ósanngjarnt :) t.d. segist ég hlusta á ekkert í bílnum mínum ...en ástæðan er sú að snúran úr græjunum í hátalarana datt úr sambandi í vikunni svo ég hef ekkert útvarp eins og er :(

En það er svossum ekkert sérstakt að frétta af mér ...er svona nánast ný vöknuð og var að koma upp í skóla - var nebbla á næturvakt í nótt. Í dag er vika í fyrsta próf og ég er enn að basla við ritgerðarsmíð :( ...þetta verður naumt.

En það er alltaf nóg að gera í pólitíkinni, formannsslagurinn er kominn á fullt - því miður :( ...finnst formaðurinn ganga aðeins of langt í dylgjum og niðurrifi á meðan Ingibjörg stendur allt af sér eins og klettur! þetta ræður endanlegum úrslitum í mínum huga að minnsta kosti :)

Mér til mikillar ánægju tók Ágúst Ólafur áskorun okkar í UJ-ara og bauð sig fram sem varaformaður Samfylkingarinnar :) ég held audda þvílíkt með honum enda gæðadrengur :) hann er minn uppáhalds pólitíkus og á stóran þátt í því að ég er flokksbundin í dag!

Það birtist einmitt grein eftir mig á pólitík í dag þar sem ég mæli með frumvarpi hans um afnám fyrningar í kynferðisafbrotum gegn börnum :) rosalega mikilvægt mál!

En jæja nóg blaður í bili ...ætla að halda áfram með ritgerðina :)

Jæja sjáum nú hverjir eru alvöru vinir mínir?

2005-04-16T01:48:00.000Z

Já ég fékk svo hræðilega útreið í testunum hjá Möllu og Ara að ég efast um að þau vilji vera vinir mínir lengur :( ...var næst lægst hjá Möllu og lang lægst hjá ara með 0 stig :) ...hehe ótrúlegt að ég hafi ekki verið að reyna það!!

En nú er kominn tími á hefnd :) ....sjáum til hvernig ykkur gengur með þetta test ...niðurstöður hér :)

Áhugaverður fundur á Sólon í kvöld!

2005-04-13T14:07:00.000Z

Á Þingi unga fólksins nú á dögunum var samþykkt ályktun sem byggðist á frumvarpi Ágústs Ólafs Ágústssonar um að fella niður fyrningu í kynferðisafbrotum gegn börnum og hún flaug í gegn um þingið með öllum 63 greiddum atkvæðum. Svo það er ljóst að það er alger þverpólitísk samstaða umþetta mál meðal allra ungliðahreyfinganna.

Í ljósi þess hafa allar ungliðahreyfingarnar ákveðið að sameina krafta sína og halda fund til að vekja athygli á málinu á Sólon miðvikudagskvöldið 13.apríl kl. 20. Ágúst Ólafur verður frummælandi á þessum fundi en einnig munu Guðrún Jónsdóttir félagsráðgjafi hjá Stígamótum og systurnar Svava og Sigríður Björnsdætur, sem stofnuðu Blátt áfram, vera með erindi.

Þrátt fyrir þónokkra þverpólitíska samstöðu um þetta mál á Alþingi hefur frumvarpið af einhverjum óskiljanlegum ástæðum verið fryst í allsherjarnefnd nú í nær tvö ár. Á þessum tæpu 2 árum sem liðin eru síðan Ágúst Ólafur lagði þetta frumvarp fyrst fram hafa allnokkur fórnarlömb liðið fyrir núverandi fyrningarlög - við getum ekki látið þetta líðast lengur þar sem öll rök mæla með þessu frumvarpi og nú síðast benda óhugnalegar tölur í nýju barnaskýrslunni, sem forsætisráðuneytið lagði loks fram nú í síðustu viku, á að mun fleiri börn verða fyrir kynferðislegri misnotkun en áður var talið, eða næstum fimmta hvert barn!

Ég hvet alla sem styðja þetta mál eða eru forvitnir um það að láta sjá sig!

Velur maður sér vini eftir andlitsfalli?

2005-04-11T22:49:00.000Z

Ágætur kunningi minn sagði við mig áðan að við kæmum líklega aldrei til með að skilja hvort annað og að ef til vill væri því um að kenna hvað ég er með skrítið andlit :) og hann hefði nýlega heyrt að fólk veldi sér vini eftir andlitsfalli???

Humm ...ég var að pælí að vera soldið móðguð yfir þessu en eftir að fatta hve forkunnar fagrar mínar góðu vinkonur eru þá fagnað ég þessu nú bara sem hrósi :)

En er eitthvað til í þessu? velur maður sér vini með svipað andlitsfall og mar sjálfur? og kannski maka líka? Ég hef oft skemmt mér yfir giftingarmyndum í dagblöðunum og hlegið af því hve mikill hjónasvipur er nær alltaf með nýgiftumhjónunum - sama hve skrítin og spes þau eru í útliti þá virðast þau hafa sótt sér líkan heim :)

Já það er nokkuð til í þessu ...mar miðar líka yfirleitt aðra út frá manni sjálfum - mér finnst ég t.d. voða venjuleg í framan og langt frá því að vera skrítin ? ...þetta býður líka upp á pælingu um gamla góða normið ...hvað er norm annað en dómur út frá eigin ogguponsu reynslu heim?

Fimleikaveisla :)

2005-04-06T13:41:00.000Z

Ójá þá er komið að því ...tataratatarata :) Norðurlandamótið í Tromp fimleikum loksins haldið á Íslandi!!! Ohh ég er búin að bíða eftir þessu í svooooo mörg ár og nú er komið að því :) Ekki búin að sjá svona dýrð með eigin augum síðan við vorum að keppa í Kristiansand árið 1999 úff hvað það er langt síðan!!! og nú er líka trompfimleikunum búið að fara heil mikið fram og arg ohh bla ég er svo spennt :)

Er búin að vera að hita mig smá upp fyrir helgina :) hægt er að skoða allskyns hér og svo ennþá meira hér (mæli með Christmas 2004 og - PR-video 2004 geðskjúk stökk sem Holby eru að gera þarna - og eru berir að ofan í þokkabót :oÞ) En svo verðið þið sem ekki hafið séð þetta með berum augum áður að gera ykkur grein fyrir því að þetta er svo miklu flottara með eigin augum - þá gerir maður sér fyrst grein fyrir því hversu brjálæðislega hátt þau fara :)

En allavegann ...ég veit ekki hvernig ég get sagt þetta nógu skýrt ....það bara VERÐA!!! ALLIR!!! AÐ MÆTA!!! Í HÖLLINA!!! LAUGARDAGINN 9. APRÍL KL. 12:30!!! Fimleikaáhugafólk, dansáhugafólk, allt íþróttaáhugafólk og allir sem hafa gaman að því að horfa á gullfallega norræna ofurkroppa spengja sig í aðsniðnum klæðnaði bara mega ekki missa af þessu!!! svona mót er ekkert á hverjum degi hér á Íslandi!!! Þarna verða samankomin Evrópumeistarar frá því haustið 2004 í nær öllum flokkum og þetta verður bara hreint út sagt GEÐVEIKT!!! Og ef þið hafið einhverntíman fylgst með Ólympíuleikunum í áhaldafimleikum þá get ég lofað því að þeir eru ekkert miðað við þetta svo ef þið hafið einhverntíman haft gaman af fimleikum þá verður þetta það flottasta sem þið hafið nokkurntíman séð!

Þið getið skoðað nánanir dagskrá á fimleikar.is :)
Sjáumst :)

Á leiðinni í bústaðarferð með saumaklútnum góða :)

2005-04-01T10:10:00.000Z

Ó já nú get ég hætt að vera bitur út í lífið ...ég er búin að redda mér fríi á laugardags næturvaktinni og kemst því í bústaðinn :) ...ohh ég er svo glöð :) ...þetta verður alveg magnað - góður matur, gott vín, gítar, söngur, pottur og allar græjur :)

Annars var ég bara að koma af næturvakt og það er bara allt of gott veður til að fara að sofa ...ég elska sonna bjart, stillt og kalt vorveður :) minnir á gamla daga þegar maður heimtaði lengri frímínútur til að geta verið aðeins lengur útí fótbolta, snúsnú, brennó, að verpa eggjum eða hvað það nú var :)
Æj það er líka bara einhver galsi í mér ...er búin að láta tvo hlaupa 1. apríl í morgun :) Kristínu sem tók við af mér í morgun, nývöknuð greyið og svo Þórunni frænku :) híhí

En jæja ætla að reyna að ná fleirum áður en ég fer í háttinn ...gangi ykkur vel að hrekkja og segið mér endilega frá sniðugum trikkum :)

Eitthvað sem allir hafa gott af að lesa!!!

2005-04-01T09:37:00.000Z

Malla sendi mér þetta og ég bara mátti til með að deila þessu með ykkur!

If the population of the Earth was reduced to that of a small town with 100 people, it would look something like this:

57 Asians
21 Europeans
14 Americans (northern and southern)
8 Africans
52 women
48 men
70 coloured-skins
30 caucasians
89 heterosexuals
11 homosexuals
6 people would own 59% of the whole world wealth and all of them will be from the United States of America
80 would have bad living conditions
70 would be uneducated
50 underfed
1 would die
2 would be born
1 would have a computer
1 (only one) will have higher education

When you look at the world from this point of view, you can see there is a real need for solidarity, understanding, patience and education. Also think about the following:
This morning, if you woke up healthy, then you are happier than the 1 million people that will not survive next week.
If you never suffered a war, the loneliness of the jail cell, the agony of torture, or hunger, you are happier than 500 million people in the world. If you can enter into a church (mosque) without fear of jail or death, you are happier then 3 million people in the world.
If there is a food in your fridge, you have shoes and clothes, you have bed and a roof, you are richer then 75% of the people in the world.
If you have bank account, money in your wallet and some coins in the money-box, you belong to the 8% of the people on the world, who are well-to-do.
If you read this you are two times blessed because:
1. you don't belong to the 200 million people that cannot read.
2. and... you have a computer!

Úff hvað við erum nú heppin ....en eigum oft voða bágt miðað við okkar litla reynsluheim ;(

Blogg ?

2005-03-29T01:05:00.000Z

Já nú er ég loksins komin með internet hingað heim ...og get þá kannski farið að blogga? Því eins og þið hafið eflaust tekið eftir þá var ég nú eilla alveg búin að gefa það upp á bátinn ...blogg-andinn heldur sig nebbla yfirleitt fjarri sonna í amstir dagsins.

Úff ég er varla búin að blogga neitt á þessu ári :S það hefur þó verið nóg um að vera ....flutningar, kosningar í stúdentapólitíkinni, uj, skólinn, vinnan, allskyns söng stúss og so bara þetta venjulega og óvenjulega daglega líf :)

En nú eru páskarnir á enda ...er eiginlega bara fegin ...er alveg komin með súkkulaði ógeð og það þarf sko mikið til að það gerist :) Annars voru páskarnir bara voða góðir og eilla of notalegir ...lærði næstum ekki neitt og kom ósköp fáu í verk nema því sem snéri að matargerð og hesthúsun á mat :) Ég fór í sveitina til ömmu og eldaði kalkún í fyrsta sinn sjálf ...ohh ég er svo monntin ;) ...heppnaðist alveg obboslega vel þó ég segi sjálf frá :) bara nokkuð mömmulegur – sem er mikið hrós þegar kemur að matargerð!

En jæja, er farin í háttin ...páskaletin á enda og alvara lífsins tekin við :)

E.s. Til hamingju með ammlið Kata mín :)

Áhugaverður fundur :)

2005-02-01T16:05:00.000Z

Feministafélagið ætlar að halda rosa spennandi fund kl. 20 í kvöld á Sólon. Þar á að ræða stöðu fjölskyldunnar í nútíma þjóðfélagi, m.a. vegna ummæla í áramótaávörpunum.

Dagskrá fundarins:
Sigrún Júlíusdóttir: Þróun og staða fjölskyldunnar.
Hrefna Friðriksdóttir: Samkynhneigðar fjölskyldur.
Óskar Dýrmundur Ólafsson: Uppeldi er samstarf.
Linda Rut Benediktsdóttir: Hið gullna jafnvægi.

Þegar maðurinn kemur heim............

2005-02-01T15:10:00.000Z

Þessar reglur eru teknar úr kennslubók í heimilisfræði 1950.

1. Hafðu kvöldmatinn tilbúinn á réttum tíma. Það veitir honum þá tilfinningu að þú hafir verið að hugsa um hann og að þér sé annt um þarfir hans. Flestir karlmenn eru svangir þegar þeir koma heim og tilbúinn matur er hluti af því að láta hann finna hversu velkominn hann er heim, en það er karmönnum nauðsynlegt.

2. Notaðu 15 mín.til að snyrta þig og skipta um föt áður en hann kemur. Hann er að koma heim úr leiðinlegri og erfiðri vinnu og er þreyttur.
Vertu svolítið hress og skemmtileg til að hressa hann við.

3. Taktu upp allt rusl og dót. Farðu eina umferð um húsið og safnaðu saman skólabókum, leikföngum, pappírsrusli og blöðum. Renndu svo tusku yfir borðin til að þurrka af og þrífa svolítið. Eiginmanni þínum mun finnast hann kominn í friðarparadís og það hefur mikið að segja fyrir hann.

4. Snyrtu börnin til. Það tekur aðeins nokkrar mínútur að þrífa hendur og andlit og greiða þeim. Ef þarf, skaltu láta þau skipta um föt. Þau eru hans fjársjóður og hann vill sjá þau þannig.

5. Sjáðu til þess að húsið sé hljóðlátt. Slökktu á öllum vélum, s.s. uppþvóttavél, þvottavél, þurrkara og ryksugu. Reyndu að sjá til þess að börnin hafi hljótt.
Taktu á móti honum með glöðu brosi.

6. Gættu þess að hella ekki yfir hann kvörtunum þegar hann kemur. Ekki heldur kvarta þó hann komi of seint í mat. Þú getur verið viss um að þínar kvartanir eru minniháttar í samanburði við það sem hann hefur þurft að þola yfir daginn.

7. Sjáðu til þess að hann hafi það þægilegt. Láttu hann halla sér aftur á bak í hægindastól eða stingdu upp á því að hann halli sér smástund í rúmið. Vertu tilbúinn með kaldan eða heitan drykk handa honum. Bjóddu honum að klæða hann úr skónum og hagræddu púðunum undir honum. Ræddu við hann með rólegri, mjúkri röddu. Leyfðu honum að slaka á.

8. Láttu hann ráða kvöldinu. Ekki kvarta þó hann fari ekki með þig út að borða eða á aðrar skemmtanir, reyndu í stað þess að skilja að hann hefur fengið sinn skerf af streitu og látum yfir daginn og þarfnast hvíldar heima.

10. Markmiðið er að gera heimilið að stað þar sem eiginmaður þinn getur fundið frið og reglu og getur slakað á eftir erfiðan dag.

Þetta er náttla bara of fyndið! og það er ekki lengra síðan þetta var en að ömmur okkar gætu hafa lært þetta einhverntíman.
Þó að margir tali í dag um að bakslag hafi komið á jafnréttisbaráttuna þá verður nú að segjast að ótrúlega margt hefur breyst á hálfri öld!

Opinn fundur um jafnrétti á fimmtudaginn :)

2005-01-25T17:53:00.000Z

Fimmtudaginn 27. janúar kl. 20:30 verður haldinn opinn málefnafundur um jafnrétti í stjórnmálum í húsnæði Samfylkingarinnar við Hallveigarstíg.

Ingibjörg Sólrún Gísladóttir mun opna fundinn og ræða m.a. um
framtíðarstefnu Samfylkingarinnar í jafnréttismálum og stöðu kvenna í
pólitík í dag, á eftir henni tekur Bryndís Ísfold til máls og mun hún
kynna skýrslu sem hún gerði um “valddreifingu í nefndar- og stjórnasetu
hjá sveitarfélögum, ráðuneytum og fyrirtækjum – þátttöku kvenna”. Þess má geta að Bryndís Ísfold hlaut viðurkenningu frá Forseta Íslands fyrir þessa skýrslu svo það verður mjög fróðlegt að heyra hvað hún hefur að segja. Að lokum tekur Gísli Hrafn frá karlahóp Feministafélagsins til máls og ræðir meðal annars um mikilvægi þess að karlar taki virkan þátt í
jafnréttisbaráttunni.

Ég hvet alla sem hafa áhuga á jafnréttismálum til að mæta :) ...ég verð fundarstjóri svo ég mæti að minnsta kosti :)

Hallóhalló :)

2005-01-18T17:17:00.000Z

Já ætli mar verði ekki að blogga smá :)

Það er allaveganna búið að vera nóg að gera ...ótrúlegt hvað þessir frídagar mínir hreinlega hurfu!

Fór að horfa á Idolið í Smáralindinni á föstudaginn og það var ekkert smá gaman :) ...vá hvað mér finnst þessi lokahópur miklu betri en sá í fyrra ...auðvitað fannst mér sumir soldið mikið betri en aðrir :) og Heiða var auðvitað best ...hún er náttla bara ótrúlega stelpan! Svo var ég auðvitað mjög ósátt við að Nanna Kristín hafi dottið út - hún var ein af bestu söngkonunum þarna! ...en svona er þetta ...og Idolið er hvort eð er ekki endilega besti vettvangurinn fyrir hennar tónlist :)

En nóg um það, ég fór í flottasta matarboð í heimi á laugardaginn, það var óvænt matarboð fyrir Rafnar hennar Sólveigar heima hjá Ara og Möllu - þvílíkt planað og Sólveig höfð með í plottinu til að plata Rafnar ....svo þegar þau mættu á svæðið földum við okkur öll og hoppuðum svo fram (sonna eins og í bíómyndunum) og hrópuðum ÓVÆNT :) hehe mjög súrt! En ég þakka allaveganna vel fyrir mig :)

En jæja ætla að drífa mig heim ...er búin að lofa að elda Mangó kjúlla í kvöld :) ...mmm namm :Þ

E.S. var að setja inn myndir úr áramótapartýinu hennar Kötu Amni ...rippaði þessum myndum frá Rafnari og fleirum!

Opinn málefnafundur um kynbundið ofbeldi!

2005-01-12T23:14:00.000Z

Á morgun fimmtudaginn 13. janúar kl. 20:30 verður haldinn opinn málefnafundur um kynbundið ofbeldi í húsnæði Samfylkingarinnar við Hallveigarstíg 1. Á fundinum verður Ágúst Ólafur Ágústsson þingmaður með erindi þar sem hann meðal annars kynnir þingsályktunartillögur sem Samfylkingin lagði fram í þessum málaflokki í vetur. Einnig verður Guðrún Jónsdóttir félagsráðgjafi hjá Stígamótum með erindi, hún hefur unnið um margra ára skeið að málum sem tengjast kynbundnu ofbeldi og verður því áhugavert að heyra hvað hún hefur um málið að segja.

Þetta er málefni sem snertir okkur öll, það er ekki nóg með að heimilisofbeldi sé eitt algengasta mannréttindabrot í heiminum í dag heldur er það líka 6 stærsta heilbrigðisvandamál kvenna. Kynbundið ofbeldi er líka lifandi sönnun þess að jafnrétti kynjanna hefur ekki verið náð.

Rannsóknir sýna að um 10-20 % kvenna hér á landi verður fyrir kynbundnu ofbeldi af hendi maka og tölur frá Bretlandi sýna að allt að 70% myrtra kvenna falla fyrir hendi sambýlismanns síns.

Já heimilisofbeldi er ótrúlega umfangsmikið vandamál og grafalvarlegt eins og við höfum heldur betur fengið að kynnast í íslenskum fréttum og blöðum í vetur, t.d. þegar kona var myrt af eiginmanni sínum í bræðiskasti og þegar maður fékk ekki dóm fyrir að hafa barið og næstum kyrkt eiginkonu sína þrátt fyrir að vitni og áverkaskýrsla lægju fyrir!! - algerlega út í hött :(

Allavegann þá hvet ég alla til að mæta konur jafnt sem kalla :)
Sjáumst sem flest ;o)

Aðfangadagur jóla :)

2004-12-24T15:59:00.000Z

Já aðfangadagur jóla er einmitt í dag, heyrið það, heyrið það :)

Vá hvað þetta ár er búið að vera fljótt að líða ...en dagatalið lýgur víst ekki, árið 2004 er senn á enda og því fylgja blendnar tilfinningar.

Þetta ár hefur verið sannkallaður rússíbani hjá mér og þá sérstaklega veturinn, eins og ég hafi verið á stanslausum hlaupum upp og niður tilfnningaskalann. En þrátt fyrir stöku raunir þá hefur þetta ár gert mér gott og á heildina litið þá hefur þetta bara verið eitt af mínum uppáhalds árum :) ...og svo hef ég það sterklega á tilfinningunni að árið 2005 geti orðið það allra besta hingað til :)

En þó árið hafi verið viðburðarríkt með meiru þá held ég að sambönd mín við þá sem eru mér nærstir og endurnýjuð sambönd séu það sem stendur úppúr - lífið væri hreinlega einskis virði án þeirra!!!

En jólin í ár verða soldið skrítin hjá mér ...enginn mömmukalkúnn, líklega ekki lesið jólaguðspjallið og látið kerti fyrir hvern og einn brenna inní jólanóttina :S ...en jólin verða bara öðruvísi góð hjá mér í þetta sinn - sit hér fyrir framan tölvuna hennar ömmu í Útgörðum, hvítur snjórinn hylur allt, frost og logn úti, rjúpnaylmurinn fyllir bæinn - yndislegt :) ...og svo er ég umkringd fólki sem ég dýrka og dái :) ...amma er auðvitað hér, Þórunn frænka, Kristó, Kristó yngri og Gabríel - þetta verður yndislegt :)

Ég horfði á fréttirnar áðan - það tók þónokkuð á ...rosalega erfitt að sjá myndir frá stríðshrjáðum og fátækum löndum á þessum árstíma og erfitt að vita að meira að segja á Íslandi er fólk sem engan á að á jólunum og aðrir sem ekki eiga fyrir jólasteikinni :( ...minnir mann á hversu lánsamur maður er og gerir mann þakklátan fyrir þann aragrúa af fólki sem maður ann :)

En elsku vinir :)
Megi þið og fjölskyldur ykkar eiga gleðileg jól og njóta farsældar á komandi ári .
Takk fyrir allar yndislegu stundirnar á árinu sem senn er á enda - vinátta ykkar er mér ómetanleg :)
Hafið það sem allra allra best yfir jólin - teygiði úr tánum, slappiði af og borðið á ykkur gat :) - það ætla ég að minnsta kosti að gera :)

Bestu jóla- og áramótakveðjur,
ykkar Guðrún Birna

Þið eruð bestust :)

2004-12-09T01:50:00.000Z

Sit hér á bókasafninu að læra fyrir próf en varð bara að krota niður nokkur þakkarorð :)

Ég hef aldrei í lífinu fengið jafn mörg sms á einum degi ...og hvað þá svona falleg :) ...takk æðislega fyrir allar afmælis og baráttukveðjurnar á föstudaginn :) ...þótti ekkert smá vænt um stuðninginn :)

Þó ég hafi tapað þá er ég nú samt heppnust - hefði aldrei getað trúað því hve margir voru að hugsa til mín :) ....og í skýjunum yfir frábærum og án efa eftirminnilegasta afmælisdegi hingað til :)

Stóra stundin að renna upp :)

2004-12-02T13:40:00.000Z

Já þá er stóra stundin loksins að renna upp ...AFMÆLIÐ MITT :) á morgun ...neinei smá djók ...var næstum búin að gleyma því ...en Idolið er hins vegar á morgun :o( ...er orðin soldið mikið kvíðin en líka voða spennt :) ...ég veit eiginlega ekki hvað ég á við mig að gera ...er ekki alveg með hugann við lærdóminn þessa dagana :oS ...en þessu verður lokið á morgun ...eða ekki ...hehe ..nei þori ekki einu sinni að vona það því ég er í mjög góðum hóp svo þetta verður hörku keppni! Ég er með eina soldið fastlega í huga sem ég held að komist pottþétt áfram ..en svo held ég að það verði rosa hörð keppni um annað sætið áfram í smáralindina ...sé alveg 4-5 sem verða þar í baráttunni :) ...en ég ætla að reyna að hætta að hugsa um þetta í bili og fara að læra soldið!

E.S. og þið vitið svo hvað mig langar að fá í afmælisgjöf á morgun er haggi?

Ekkert búin að læra í dag :(

2004-11-08T18:06:00.000Z

Ohh já einhvernveginn þá er ég algjör snillingur í að láta daginn fara til spillis :oS ...eftir tímann í morgun þá þurfti ég eitthvað að fara að stússast og m.a. hitta bróður minn uppí FG ...þar sem ég var svo mikill snillingur að læsa bíllyklana mína inní bíl :( ...þurfti ekki að nuða lengi í henni ástu vinkonu frekar enn fyrri daginn heldur kom hún eins og skot að bjarga mér og keyrði mig í hfj til að sækja vara lykilinn (ég veit!! hún ofdekrar mig :)) ...en "GÓÐI" staðurinn var hrofinn svo ég þurfti að snúa til baka og kalla á Vöku til að brjótast inn í bílinn minn :oS ...svo þurfti ég að bíða í heilan klukkutíma eftir bílnum ...alveg brjál ...búin að hringja þrisvar og kvarta ...búin að missa af tíma í skólanum og alveg að verða of sein í bankann :oS ...en þetta hófst að lokum og ég er komin heim :) ... og með góðar fréttir úr bankanum :) ...því eins og allir vita þá eru bankarnir komnir með 100% lán svo ég get keypt mér dýrari og flottari íbúð en ég hefði annars getað :) ....svo það er kannski bara lán í óláni hvað ég er búin að vera óheppin í þessum íbúðarmálum ;) ...svo nú er ég bara á fullu að skoða einum verðflokki ofar á mbl.is ...ohhh gamangaman ...var komin með algjört ógeð af því að lesa um undir gallar: veggir ónýtir vegna veggjatítlna ...jjjjakk :o/

En nóg um það ...er farin á dansæfingu :) ...nú verður púlað :)

Nóg um að vera :) - skrifað fös. 5. nóv

2004-11-08T18:03:00.001Z

Já það er heldur betur búið að vera nóg um að vera, bauð loksins í íbúð í gær ...já þetta er búið að ganga hálf brösulega allt saman, ein íbúðin var með of lágt brunabótamat til að ég gæti fjármagnað hana, tvær voru seldar áður en ég náði að bjóða í þær og þessi sem ég bauð í í morgun er búið að taka af sölu tímabundið :oS ....en ég talaði við eigandan og hann var til í að taka við tilboði frá mér :) ...svo nú er bara að krossleggja fingur!!

Nú eru forsetakostningarnar í USA búnar ...hefði nú viljað losna við Bush en sonna vildu kanarnir hafa þetta :S ...ég skellti mér á kostningavöku á vegum bandaríska sendiráðsins með UJ-urunum á þriðjudag ....það var bara voða gaman allt flæðandi í áfengi og veitingum ....var heldur betur kominn tími á að ég sletti smá úr klaufunum :)

Annars er mar bara að detta í prófgírinn ...allt fullt af ritgerðum og verkefnum framundan. Svo á að fara að sýna frá Austurbæ í Idolinu næstu í kvöld og næsta föstudag ....sá glitta í mig í auglýsingunni fyrir þáttinn í gær ...gvöð hvað mar getur verið halló ...veit ekki alveg hvort ég hafi taugar í að horfa á þáttinn sjálfan??

Í gærkveldi var svo loksins fyrsti danstíminn í Gerplu ...undir stjórn Ástu að sjálfsögðu :) ...ohhh vá hvað þetta var gaman ....hún kenndi okkur voða flottan pæjudans og þrælaði okkur gersamlega út :) ...en vá hvað mar er taktlaus eitthvað og stífur, líkaminn bara lætur ekki eins vel að stjórn og einu sinni :( ...en ég treysti Ástu til að koma okkur upp á lagið með þetta! Það verður soldið fróðlegt að sjá hvernig þetta þróast allt saman ....þetta er sonna skemmtilega ósamstæður hópur, bland af gömlum fimleikastelpum, sundkonu, fótboltakonu ofl. :) en það voru of margar fimleikastelpur að skrópa!!! ....humm?? hvað á það að þýða??

En jæja nóg um mig í bili :)

Guddan bara að verða fullorðin :)

2004-10-19T20:56:00.000Z

Já svei mér þá ...held bara að ég sé að verða fullorðin ...og tími til kominn að fljúga úr hreiðrinu ...þó ekki alveg planað ...er soldið nauðug viljug ...en held að þetta sé bara dulbúin gæfa :) ...er búin að vera að skoða íbúðir á fullu :) er með þvílíkan fiðring í maganum ...úff hvað það verður mikill munur að verða kóngur í sínu ríki :) ...ætla örugglega að kaupa 3gja herbergja íbúð miðsvæðis ....svo ég geti kannski leigt einhverri góðri vinkonu eitt herbergi eða svo :) og kannski selt bílinn minn! ...ohh nú bara get ég ekki beðið eftir að vera búin að finna íbúð og koma mér fyrir!! ....jæja held ég þurfi að róa mig aðeins ...er enn að bíða eftir greiðslumatinu og er ekki einu sinni búin að skoða neina íbúð almennilega ...en er komin með augastað á tveimur sem ég kíki kannski á á morgun :)

En jæja ...ætla að halda áfram að láta mér dreyma um betri tíma :)

Nala að komast í heimsmetabók guinness?

2004-10-14T01:40:00.000Z

Já ég held það sveimérþá :) Nala eignaðist 2 litla sæta fressa í vikunni og þetta hafa líklega verið kettlingar númer 83 og 84 eða svona hér um bil :o) ...þetta er hætt að vera fyndið ...nú fer ég sjálf með hana og læt taka úr sambandi ...ekki misskilja mig auðvitað finnst mér litlir kettlingar sætir og allt það en 3svar á ári í 10 ár :oS ....er eiginlega komin með nóg!

En að allt öðru ...held ég sé búin að finna mér "my thing" í hreyfingu ...já eins og þið vitið þá hef ég átt soldið erfitt með að halda mér við efnið í sonna líkamsræktarstöðvum og hef í raun ekki fundið mér neina hreyfingu sem heillar mig neitt að ráði eftir að ég hætti í fimleikunum ...finnst voða gaman að dansa en finn mig samt ekki í sonna hopputímum, spinning og solleis dóti ...en ég held ég sé orðin húkt á powerjoga :) ...mjög krefjandi og skemmtilegt jóga ...ekki eins og venjulegt jóga ...þetta reynir á úthald, þol og allan pakkann :) ...mér hefur reyndar ekki tekist enn að draga neina af fimleikagellunum með mér í þetta en ég gefst ekki upp :)

Ásta byrjuð að blogga :)

2004-10-13T02:20:00.000Z

Var að bæta inn link á hana Ástu mína ...duglegur bloggari þar á ferð sem hefur alltaf frá nógu að segja :) ...annað en sumir :oS en hver veit nema þar verði breyting á ...aldrei að vita nema mar detti í gírinn :D

blattafram.is

2004-10-13T01:55:00.000Z

Jæja þá er komin tími á hið mánaðarlega blogg mitt :oS já mjög slakur árangur það :( ...örugglega búið að takast að hrekja alla lesendur í burtu ...sem er nú kannski bara gott ...verst að vita aldrei hver gæti verið að lesa bloggið manns ...spurning um að loka því þá bara??

En nóg um það!
Ég fékk símtal nú á mánudaginn þar sem mér var boðið að styrkja nýtt verkefni sem blattafram.is er að fara í gang með ...mjög svo áhugavert! ...en þar sem ég er bara fátækur námsmaður þá varð ég að segja pass við öllum fjárútlátum en sagði að ég myndi gera allt sem í mínu valdi stæði til að vekja athygli á þessari söfnun. Þessi samtök vinna gegn kynferðisafbrotum á börnum og eru að safna pening til að geta upplýst grunnskólabörn um að kynferðislegt ofbeldi sé óeðlilegt og hvetja þolendur til að tjá sig. Það þarf auðvitað ekki að sannfæra neinn um mikilvægi þess að taka á þessum málum en það sló mig að sjá niðurstöður úr nýrri rannsókn sem sýndi fram á að 17 % barna undir 18 hafa einhverntíman á lífsleiðinni orðið fyrir kynferðisofbeldi og það versta er að hræðilega margir tilkynna þessi brot aldrei og lifa með sektarkenndinni alla ævi!

Ég hvet alla sem mega sjá af einhverjum krónum til að styrkja þetta málefni - hér getið þið séð nokkra styrktar möguleika.
blattafram.is er líka að skora á þingmenn til að afnema fyrningu kynferðisafbrota gegn börnum og það minnsta sem þið getið gert er að senda email undirritað af ykkur með áskorun á ráðherrana sem við á með því að smella hér!

Letiblogg Guddu :)

2004-09-14T22:31:00.000Z

Jájá ég er örugglega latasti bloggari á jarðríki og viðurkenni það fúslega ...hef bara verið að bíða eftir að bloggandinn hellist yfir mig ...en hvenær og hvort það gerist á næstunni má Guð vita :)

En af mér að frétta er að ég er byrjðu í skólanum loksins af fullum krafti og veturinn leggst bara sonna ljómandi vel í mig ...nóg um að vera :)

Ákvað að beila fimleikasaumó og fyrsta skóla djamm vetrarins síðustu helgi og skella mér frekar í réttir með henni ömmu Ollu minni ...og sá sko ekki eftir því (þó ég hefði auddað líka viljað hitta P-2 skvísurnar) ...ég og amma gistum í Lambabælinu góð ...það gerist ekki betra en það :) sofnuðum við árnið og regnið á þakinu ótrúlega kyrlátt og notalegt ...en í réttunum var lítið um kyrrð og ró, fullt af fólki og 4-5 þús rollur og Guddan var audda rosa dugleg að draga rollur í dilka og hvað þetta nú heitir allt saman :) ...svo var haldið í ketsúpu heim í Kalmanstungu eftir allt erfiðið og að lokum var auðvitað hápunktur helgarinnar - braggapartý fram eftir öllu þar sem var sungið, skrallað og spilað á bassa og gítar langt fram eftir nóttu :)

En jæja látum þetta gott heita í bili ...og við skulum sjá hvort "the blog muse" vitji mín aftur bráðlega :)

Myndir frá Þjóðhátíð :)

2004-08-09T00:03:00.000Z

Já hér eru nokkrar myndir úr símanum mínum :) ....og hér eru líka myndir frá Ara og Möllu!

Birkihlíð 2004

2004-07-20T23:24:00.000Z

Fór í heimsókn til Ara og Möllu í Birkihlíð síðustu helgi ....keyrði landið þvert og endilangt til að finna eina staðinn á landinu sem ekki var sól :( ...en við höguðum okkur auðvitað eins og ekta Íslendingar, létum rigninguna ekkert á okkur fá og fengum okkur sundsprett í ánni og solleis :)

Rafnar er búinn að setja inn myndir úr ferðinni hér :) ...þetta var yndisleg ferð í alla staði ...en best var þó að fá að hitta Ara og Möllu sína :) ...takk fyrir mig krúttin mín ;)

10 dagar til stefnu :)

2004-07-20T00:10:00.000Z

Sit hér og hlusta á gömul þjóðhátíðarlög :) ...ég á náttla bara of góðar minningar tengdar þeim :) ....það var einhver að benda mér á það um helgina að ég væri líklega búin að eyða um 100þ. kalli um ævina í eyjar og hvort ég sæi ekki eftir honum ....en ég myndi sko aldrei vilja skipta á honum og öllum minningunum!!!

En hvað er málið með nýja þjóðhátíðarlagið??? ...hvaða ömó gella er að syngja þetta?? ...manni hefur nú ekkert alltaf litist á þessi lög svona til að byrja með en endað svo uppí brekku að gala sig hásan með þeim :) ...en ég sé það ekki gerast núna :( þetta er án efa það slakasta sem ég hef heyrt hingað til!!

Vííí komin í viku frí :)

2004-07-13T10:06:00.000Z

Já mín var bara að koma af næturvakt og er komin í viku frí :) ...stefnan er tekin á útilegu í Birkihlíð á fimmtudaginn(sem er sveitabær rétt fyrir utan Egilsstaði sem Malla og Ari búa á í sumar) það er von á fullt af skemmtilegu liði sem ætlar að tjalda og svoleis ...allir aðvitað velkomnir - því fleiri því betra :) ...þetta verður ágætis upphitun fyrir Eyjar ...um að gera að nýta tækifærið og æfa Kartöflugarðinn og aðra sígilda slagara að hætti Árna Johnsen ;)

Ónefnd scheving Kjartansdóttir komin í heiminn :)

2004-07-12T00:41:00.000Z

Oh já litla skvísan hennar Eyglóar (litlu)frænku var að koma í heiminn áðan ...er ekki búin að sjá krílið ennþá en fer og bauka hana á morgun :)

Svo er Hrund (systir Eyglóar) líka með stelpu á leiðinni sú dama á að fæðast 7. september :) ...vá hvað þetta er draumurinn minn ...pant ég að eignast barn svona samferða einhverri bestu vinkonu eða systur ;)

Heyriði það vinkonur ...bannað að koma með barn nema ráðgast við mig fyrst ...við verðum að plana þetta :) ...hvað eigum við að segja?? fimm ár? tíu?

Jimmy jump :S

2004-07-05T00:59:00.000Z

hehe ...hér er fávitinn sem hljóp inn á völlinn í leiknum áðan!!! ...það er ekki alveg í lagi með suma :S ...pælið í að leggja eitthvað svona fyrir sig?

Allir á Þjóðhátíð :)

2004-07-04T23:11:00.000Z

Ohh já biðin styttist óðfluga ;) búin að bóka flug frá Bakka kl:17 á föstudeginum gleðigleiðigleði :) ...er ekki búin að fara á þjóðhátíð í heil 3 ár svo ég get ekki beðið!! ...er líka alveg komin í útilegugírinn eftir þessa helgi :) fór á ættarmót í Kalmanstunguættinni það var svona bara lala ...en við familían og okkar nánustu fórum svo og tjölduðum uppí Tungu eftir ættarmótið :) ...grilluðum, kveiktum varðeld, spiluðum á gítar og sungum langt framm eftir nóttu :) ...ohh það bara helltist yfir mig útilegu andinn góði - veit fátt yndislegra!!!

Svo var tekið all rosalega á því á föstudagskvöldinu :) ...ég var með kotið útaf fyrir mig svo ég hóaði saumaklútana saman í smá sprell :) (takk fyrir komuna skvísur :) skemmti mér konunglega) ...eftir það var ferðinni haldið á Vegamót þar sem við dönsuðum eins og brjálæðingar alveg til lokunnar :)

Fyrsta helgin í júlí bara á enda :S ...þetta sumar er að líða allt alltof hratt!! ...það eina góða er að biðin í þjóðhátíð styttist og ég fæ bráðum að hitta hana möllu mína og kötu yndi sem ég sakna svoooo mikið ;)

En jæja, ætla að pilla mig í háttinn ...það var ekkert allt of mikið sofið um helgina svo augnlokin eru aðeins farin að þyngjast ;)
Góða nótt #

Karlmenn :)

2004-06-29T15:27:00.000Z

Men are like ........Laxatives ...... They irritate the shit out of you.

Men are like ........ Bananas ...... The older they get, the less firm they are.

Men are like ........ Vacations ...... They never seem to be long enough.

Men are like ........ Weather ...... Nothing can be done to change them.

Men are like ........ Blenders ...... You need one, but you're not quite sure why.

Men are like ......... Chocolate Bars ...... Sweet, smooth, & they usually head right for your hips.

Men are like ....... Commercials ...... You can't believe a word they say.

Men are like ........ Department Stores ...... Their clothes are always 1/2 off.

Men are like . Government Bonds .! ..... They take soooooooo long to mature.

Men are like ........ Mascara ........ They usually run at the first sign of emotion.

Men are like . Popcorn .......... They satisfy you, but only for a little while.

Men are like . Snowstorms ...... You never know when they're coming, how many inches you'll get or how long it will last.

Men are like ........ Lava Lamps ...... Fun to look at, but not very bright.

Men are like ........ Parking Spots ........ All the good ones are taken, the rest are handicapped.

Humm ...ástæðan fyrir karlmannsleysi mínu fundin??

Smá endurskipulagning :)

2004-06-26T18:54:00.000Z

Já linkalistinn var orðinn heldur ruglingslegur svo ég ákvað að skipuleggja hann pínu :) ...svo voru líka tvær gamlar fimleikapíur úr P-2 að bætast í hópinn - Ragga dani og Sirrí akureyringur :)

Annars verður þetta frekar lame helgi hjá mér :S ...er stuck á næturvöktum svo það verður ekkert djamm á mér og lítið annað en svefn á dagskránni :(

En jæja, farin að fylgjast með Holland - Svíþjóð ...ætla rétt að vona að Svíar taki þetta :)

Gullkorn um lífið :)

2004-06-24T01:44:00.000Z

Að elska er að taka þá áhættu að hljóta ekki ást á móti.
Að vona er að hætta á að verða fyrir vonbrigðum.
En menn verða að taka áhættu, því mesta hættan í lífinu er sú að hætta engu.
Sá sem engu hættir gerir ekkert, sér ekkert, á ekkert og er ekkert.
Hann getur ekki lært, fundið til, breyst, vaxið, elskað né lifað.

Þetta spakmæli hefur lengi verið í uppáhaldi hjá mér ...hvort ég í raun lifi samkvæmt því veit ég ekki? ...en ég reyni það allaveganna og hefur alltaf þótt það ótrúlega fallegt og upplífgandi ;) Bókin með þessu spakmæli lá einu sinni alltaf undir koddanum mínum eða nálægt rúminu mínu svo ég gæti alltaf gluggað í hana þegar mér leiddist lífið ...ég er ekki frá því að það virki stundum að lesa svona hvatningarorð :) ...ég ætla allaveganna að dusta af henni rykið núna og skella henni á náttborðið ...og í sumar ætla ég mér að elska, vona, lifa fyrir núið, yðrast einskis og bara njóta lífsins ;)

Ef þið eigið ykkur eitthvað uppáhalds gullkorn endilega deilið því með mér :)

2004-06-23T01:28:00.000Z

Which O.C. Character Are You? Find out @ She's Crafty

FAME ...æ vona liv forevör ;)

2004-06-23T00:57:00.000Z

Já, var að koma af forsýningu á Fame ;) ...að Ástu sögn var sýningin ekki alveg 100% tilbúin en það skemmdi ekkert fyrir mér ...skemmti mér konunglega og mæli eindregið með þessari sýningu ...rosa kröftug og skemmtileg, geðveikir dansar og flott sjov í alla staði ;) ...Sveppi fór á kostum í sínu hlutverki - söng og allt :) ...ég var að frétta að hann reyndi víst 3svar sinnum að komast inn í leiklistarskólann hér á sínum tíma en fékk ekki inn :oS ...vissi það ekki! ...en hann er allaveganna búinn að sanna sig núna :)

Ohh ég veit fátt skemmtilegra en að sjá svona söng- og dansleikrit ...ætla sko pottþétt að kíkja aftur á Fame í sumar og audda missi ég ekki heldur af Hárinu :)

Clementine hér ;)

2004-06-22T01:47:00.000Z

Var að koma af myndinni Eternal Sunshine of the Spotless Mind ...frábær mynd ;) mæli hiklaust með henni ...en kunningi minn benti mér einmitt sérstaklega á þessa mynd og sagði að ég mynnti hann á karakterinn sem Kate Winslet lék í henni? þ.e. Clementine :oS ...hehe, nú veit ég ekki hvernig ég kem öðrum fyrir sjónir en Guðrún Birnan sem situr hér fyrir framan tölvuna sína getur ekki alveg samsvarað sér við hana ...en hvort Guðrún Birna eftir flösku af blöss, nokkra bjóra og tekíla líkist henni eða ekki verða aðrir að fá að dæma um ;)

En jæja best að koma sér í háttinn ...vinna snemma í fyrramálið ;) ...góða nótt xxx

komin heim :)

2004-06-19T18:24:00.000Z

Já ég er mætt aftur í þéttbýlið endurnærð ...eða mætti frekar segja ofnærð :S ...heheh já það er sko full vinna að koma niður öllum kræsingunum og gúmmelaðinu sem hún amma mín bíður uppá ;) ...ummm og þetta var nú bara einn sá besti 17. júní sem ég hef upplifað í áraraðir ...engin skrúðganga eða svolleis (eiginlega bara fegin að losna við svoleiðis hátíðarhöld) ...það var geðveikt veður og við systkinin láum úti í garði nánast allan daginn á sundfötunum og lásum Harry Potter ;) ...svo var að sjálfsögðu grillað, leikið við hestana og allskyns!!

Svo fórum við á næsta bæ að skoða 3 vikna gamla ofursæta hvolpa ...ohhh ég varð veik!! og við öll ;) ...en ég held samt að mamma hafi verið verst af okkur öllum ...reyndi að sannfæra pabba um að Nala (villiköttur sem ræðst á alla hunda sem koma inn á lóðina okkar - þó þeir séu fimmfalt stærri en hún) og hinir kettirnir þrír myndu bara verða voða góðir vinir litla hvolpsins svo þetta væri ekkert nema snilldarhugmynd ;) ...en pabbi beit ekki alveg á agnið og sagði að við yrðum að velja á milli kattanna og hvolpsins :S ...svo máilið var úr sögunni :(

Kom svo heim í gærkveldi ...var nú alltaf á leiðinni eitthvað út en bara gat ekki slitið mig frá Potternum :S ...ohh ég bara dýrka þessar bækur ;)

En ætla nú að hætta ...og kíkja aðeins út á lífið :)

Farin í sveitasæluna :)

2004-06-16T09:53:00.000Z

Já ég ætla að skella mér í sveitina til hennar ömmu Ollu á eftir ...ohh get ekki beðið! ...en amman mín á afmæli í dag svo ég verð að hinkra eftir afmæliskökunni sem ég var að henda inn í ofn! æjá ég er alltaf í vandræðum með það hvað ég á að gefa svona ömmum og öfum :S ...þau eiga allt og allt svo kaka og kort verður að duga sem gjöf í þetta skipti :oS ...en þetta er nú samt soldið merkilegt afmæli því frá og með deginum í dag telst hún vera löglegt gamalmenni - 67 ára gömul ...en hún er nú ekkert gamalmenni í mínum huga ...alltaf jafn hress, kát og yndisleg :)

Ég kveð í bili ;) ...en kem líklega heim á flöskudag til að sukka soldið og halda upp á fyrstu fríhelgina mína í heilan mánuð ;)

Frábær veisla :)

2004-06-14T16:10:00.000Z

Skemmti mér konunglega á laugardagskvöldinu, komst reyndar ekki til Siggu sökum smá uppákomu í vinnunni en veislan hjá henni ástu minni var snilldin ein :) ...frábær matur, fljótandi veigar, beach boys og soul á fóninum sem ungir jafnt sem aldnir voru að fíla í tætlur :) ...kíkti svo aðeins í bæinn en fór sem betur fer snemma heim því ég hefði ekki mátt við meiri þreytu í vinnunni í gær ...rétt þraukaði þessa 12 tíma :oS

Fallega Ísland :)

2004-06-11T00:41:00.000Z

Oh já það jafnast fátt á við fallegan íslenskan sumardag eins og í dag :) ...var í fríi í dag ....notaði daginn í lítið annað en sleikja sólina :) ...fór í sund, í bæinn og á línuskauta!

En hún elsku Malla mín var ekki fyrr komin heim frá Malasíu en að hún yfirgaf mig á nýjan leik :S ...er farin á Egilsstaði með honum Ara sínum að vinna í allt sumar :( ...en ég ætla örugglega að heimsækja þau helgina 16. -18. júlí því þá ætla þau að halda rosa útilegu partý :)

Ásta og Sigga eru nú báðar að fara að útskrifast á laugardaginn :) ...ohhh þær eru svo duglegar :) ...ásta að útskrifast úr viðskiptafræðinni og Sigga úr þroskaþjálfanum! svo maður verður eitthvað hlaupandi á milli á lau :)

Litli mongólítinn minn :)

2004-06-07T01:38:00.000Z

Við hér heima erum búin að vera að velta því fyrir okkur hvort hún Lóla litla sé ekki bara misþroska? ....hún fæddist jú pínu lítil, er rosalega hæg og klaufsk, virðist sjá frekar illa og er með soldið skrítin augu - svona á ská og soldið minni en á öðrum köttum undan Nölu og þó hún sé pínku lítil þá er hún með bumbu sem er í engu samhengi við stærðina á restinni af líkamanum :) ...já þetta gerir hana náttla bara að þeirri obboslegu dúllu sem hún er :) ...hef bara aldrei vitað annað eins og þó hef ég kynnst allnokkrum kettlingum um ævina :) ...en gæti hún verið lítil mongólítakisa?? Mongólítar eru jú skáeygir, eru með slæma sjón, vantar fínhreyfingar og eru með slaka vöðvaspennu í maganum??

Æ þetta gefur okkur auðvitað bara enn meiri ástæðu til að gefa hana ekki :) ...ég meina litla greyið þarf á okkur að halda :) Og þeir Downs-krakkar sem ég þekki eru jú líka með frábærari karakterum sem ég hef kynnst! Þó þau séu auðvitað eins ólík og þau eru mörg þá getur þú alltaf verið viss um að þau eru hjartahlý, einlæg, hrein og bein :)

svefnrugludallur

2004-06-05T09:54:00.000Z

Já ég er loksins orðin algjörlega rugluð hvað svefninn varðar :( er byrjuð að sofa bara annan hvern sólahring en sef þá 12-14 tíma :S ....gafst upp um 5 leytið í nótt og er búin að vera að dúlla mér síðan! ...skoða allar myndirnar mínar og allskyns gamalt dót og bréf sem ég hef geymt til minninga :) mjög endurnærandi :)

Alltaf eru nýir bloggarar að bætast í hópinn ...var að skella inn linkum á Hildi og Rakel saumó vinkonur :)

...en jæja ætla að skella mér í ræktina núna áður en ég fer að vinna ...bæjó ;)

2004-06-04T00:59:00.000Z

Spennandi átök frammundan :)

2004-06-03T01:48:00.000Z

Jahérna ...Ólafur Ragnar skrifaði ekki undir fjölmiðlafrumvarpið!!! ...þó að ég hafi alltaf verið mjög á móti þessu frumvarpi þá verð ég að viðurkenna að ég þorði ekki einu sinni að vona að hann myndi neita því að skrifa undir - svo þetta kom mér skemmtilega á óvart :) ...það verður spennandi að sjá hvernig þetta endar allt saman :Þ ...en ég held að hvernig sem á þetta er litið þá sé þetta sigur fyrir fólkið og lýðræðið í landinu og heldur betur kominn tími á það að láta reyna á þetta ákvæði :)

Davíð heldur áfram að skandala ...gefur í skyn á alþingi að íslenska þjóðin sé ekki nógu upplýst til að taka ákvörðun um þetta frumvarp og gefur þannig í skyn að hinum almenna kjósenda sé ekki treystandi til að úrskurða um þetta mál ...en hins vegar datt honum ekki í hug að gera athugasemd við hæfi kjósenda þegar þeir kusu hann á þing??
Mér finnst að íslenska þjóðin megi alveg vera móðguð yfir því vantrausti sem Davíð ber til gáfna hennar!

En við Íslendingar búum í vel upplýstu þjóðfélagi þar sem menntunarstig er hátt svo ég sé ekkert því til fyrirstöðu að leyfa þjóðinni að segja sína skoðun. Ég held líka að þessi synjun forseta styrki lýðræðið í landinu og hljóti að vekja hinn almenna kjósanda til meðvitundar um mikilvægi þess að fylgjast með þjóðfélagsumræðunni og að láta í sér heyra ef hann sér ástæðu til þess! - því það virkar :) Forseti leggur með þessari ákvörðun ákveðið traust á hinn almenna kjósenda og sýnir fram á að hann sé partur af lýðræðinu og geti haft áhrif og veitt stjórnvöldum mikilvægt aðhald.

Á Íslandi er kjörsókn enn góð og sú trú kjósenda að þeirra rödd(atkvæði) skipti máli hlýtur að eiga stóran þátt í því ...en ef þessi réttur þjóðarinnar, sem ákvæðið um atkvæðisgreiðslu er, er sniðgenginn eins og Þór Vilhjálmsson og fleiri mæla með þá tel ég að það myndi berja niður þennan anda en ekki styrkja! ...viljum við það? ...sofandi þjóð sem fer ekki einu sinni á kjörstað því hún telur sig engin áhrif hafa?

Þó ég telji mikilvægt að þessi réttur þjóðarinnar sé fyrir hendi þá er ég ekki endilega sannfærð um að það sé best að það sé eingöngu á valdi sitjandi forseta að ákveða hvort og hvenær þessu ákvæði sé beitt ...en ég ætla nú ekki að fara út í það núna!

Ég hvet alla sem ekki hafa nú þegar myndað sér fastmótaðar skoðanir á fjölmiðlafrumvarpinu að kynna sér málið hér og taka sjálfstæða afstöðu til þess :)

Pínu kaldhæðnislegt :)

2004-06-03T01:25:00.000Z

Ef Davíð Oddsson kenndi sig við móður sína þá væri hann Ingibjargarson :) ...er það kannski þess vegna sem hann kallar Ingibjörgu Sólrúnu aldrei annað en "kona" ..hehe :) ...hefu alltaf farið rosalega í taugarnar á mér en þarna er kannski komin ástæðan!

Reykingarbann?

2004-06-02T23:50:00.000Z

Nú er komin að stað mikil umræða um reykingarbann á veitingarstöðum og nú þegar búið að sammþykkja þess konar lög í Noregi og á Írlandi. Persónulega þá fagna ég þessari umræðu mjög en hvað segja reykingarmenn við þessu? ...er forsjárhyggjan komin út í öfgar með þessu? ...kannski ekki margir reykingarmenn sem lesa þessa síðu (þekki mjög fáa sem reykja) en ef það eru einhverjir þá væri ég til í að heyra skoðun þeirra :)
En af hverju eru ekki nú þegar fleiri veitingarhús og skemmtistaðir sem hreinlega gera út á það að vera reyklaus?? ...ég veit að ég og mínar vinkonur myndum allaveganna hiklaust flykkjast þangað! ...yrði glöð að losna við blóðhlaupin augu af reyk og við það að bera reykingarstibbuna með mér heim í rúmið mitt eftir að hafa kíkt aðeins út á lífið :S ...er ekki rekstrarlegur grundvöllur fyrir reyklausum stöðum?? ...en eins bágt og ég á með að trúa því þá er það staðreynd að enginn vinsæll skemmtistaður hér á landi hefur þorað að taka af skarið og banna reykingar!

Vitiði eitthvað sætara??

2004-05-30T12:28:00.000Z

Þetta er hún Lóla litla :) kettlingurinn hennar Ólafar

Og þetta er hann Snúður :) Jóhanns kettlingur

...bara of miklar dúllur!!!

namminamm :)

2004-05-29T02:10:00.000Z

Fór í bíó á Troy í gær og ÓMG ...ekki leiðinlegt að sjá Brad Pitt leika stríðsgoðið Akkiles!!! ...og úff hvað aumingja Orlando Bloom fölnar við hliðina á goðinu :S ...æ kannski ósanngjarnt að segja því hann lék algjört nörd í þessari mynd ..hehe ....en það breytir því ekki að Orlando sem hefur fram að þessu verið í því heiðurssæti að fá að prýða desktoppið mitt!! ...en sú mynd fær nú að víkja fyrir einni af honum Brad mínum :)

Og svona því til heyðurs þá getið þið kíkt á myndir af goðinu undir B á linknum “fræg tippi” hér til hliðar :)

En jæja ....ætla að hætta þessu bulli í bili og fara frekar að lesa :)

Mæli með dekrinu í Laugum :)

2004-05-29T02:08:00.000Z

Jæja ...eins og þið sjáið þá er ég óstöðvandi í blogginu núna ...er á næturvakt og hef ekkert betra að gera :)

En það er svossum ekkert frásögum færandi í mínu lífi nema það að ég átti alveg hreint út sagt frábæran dag :) ...Þórunn frænka bauð mér með sér í Laugar áðan og við fórum í ræktina og svo í lúxsus klefann á eftir ...þetta er í fyrsta sinn sem ég prófa þetta og ég ætla sko pottþétt að fara oftar :) ....geðveik aðstaða ...allskyns sánur og gufuböð með mismunandi ylmum, kósý lýsing, geðveikt flottar sturtur sem eru eins og fossar eða eitthvað, heitur pottur og svo yndislegur lítill veitingasalur :) ...eftir að við vorum búnar að dúlla soldið við okkur og hafa það notalegt í gufunum þá fórum við inn í veitingasalinn á sloppunum einum klæða, fengum okkur að borða – þarna var yndislegur matur og svo var vatnið borið fram með klökum og ferskum jarðarberjum :) ...svo sátum við þarna og spjölluðum og gleymdum algjörlega stað og stund ...svo þegar við loksins komum út fengum við vægt sjokk að sjá að klukkan var orðin 22:00 og ég að fara að vinna klukkan 23:00 ...svo við vorum búnar að vera þarna hvorki meira né minna en í 5 klukkustundir!!! .....hehe ....ótrúlegt ...gaman að þessu :)

Æðri máttarvöld að gefa okkur merki?

2004-05-29T02:07:00.000Z

Var að hlusta á útvarp sögu í bílnum í dag og heyrði brot af viðtali þar sem Arnþrúður Karlsdóttir talaði við talnaspeking, meðal annars um veikleika og styrkleika Davíðs Oddsonar, Halldórs Ásgrímssonar og Ólafs Ragnars samkvæmt talanaspekinni  ...en það sem greip eftirtekt mína var þegar hann benti á að tala þess örlagaríka dags sem Hr. Forseti flaug til landsins, til að veita ríkisstjórninni aðhald (eða allaveganna að mínu mati) í fjölmiðlamálinu er talan níu sem táknar frelsi og 17. júní 1944 hefur einmitt þessa sömu tölu?? ....hummm??? ....eru æðri máttarvöld eitthvað að reyna að gefa okkur merki eða er þetta bara tilviljun?? ....og svo fyrst ég er farin út í þennan getgátu pakka þá er rétt að minnast þess að dagurinn sem fjölmiðlafrumvarpið var lagt fram í þinginu var einmitt alþjóðlegur dagur frjálsrar fjölmiðlunar ...humm ....frekar ironic!

Karlar trúrri mjúkholda konum??

2004-05-29T02:06:00.000Z

Humm hver hefði trúað því?? ...þetta er fyrirsögn lítillar greinar sem ég rak augun í í mogganum í gær ...þar kom fram að samkvæmt nýlegri könnun á netinu þá héldu karlar sem áttu mjúkholda konur mun síður framhjá þeim sú ályktun var dregin að menn grannra kvenna væru hugsanlega uppteknari af útlitinu einu saman og væru því líklegri til að vera á höttunum eftir enn meira aðlaðandi konum!?! Einnig kom fram að eiginmenn mjúkholda kvenna voru miklu ánægðari með kynlífið og töldu 80% þeirra það vera “frábært og óþvingað” á meðan 7 af hverjum 10 sem sem áttu grannar konur sögðu að þær væru of uppteknar af áhyggjum af eigin útliti til að geta virkilega notið kynlífsins??

Samkvæmt þessu þá væri ef til vill ráð að hætta að fylgjast með vigtinni, punta sig og hafa til?? ...bíða með það fram yfir giftingu? ...hehe ...þessi “hávísindalega” könnun mynnir mann allaveganna á það að útlitið er ekki allt :)

Júróvisjón nálgast óðfluga :)

2004-05-13T10:12:00.000Z

Oh já undankeppnin var í gær og ég gat því miður ekki horft ...en ég tók hana upp svo ég get horft á morgun :) ....og ég ætla sko að vera reddí þegar aðal sjóvið byrjar á laugardaginn ...til búin með spólu í tækinu, stigatöfluna og blýant við hendina ;) tíhí!!! ....þetta er náttla svo yndislega hallærisleg og skemmtileg keppni að maður bara getur ekki misst af henni!!

En í tilefni þess að hátíðin er að ganga í garð skellti ég link inn á rosa skemmtilega íslenska júróvisjónsíðu hér til hægri :)

Var að bæta inn nýjum bloggara :)

2004-05-10T03:35:00.000Z

Já hún Telma sæta saumóvinkona var að bætast í hóp bloggara :)

Allir á dansleikhús í Borgarleikhúsinu :)

2004-05-10T03:10:00.000Z

Já nú fer að styttast í hið árlega dansleikhús ...Ásta vinkona er auðvitað að dansa þar :) ...ég og Ása Inga fórum í fyrra og skemmtum okkur æðislega vel ...geggjuð tónlist, flottur dans, búningar og allt :) ....þetta verður örugglega ekki síðra í ár svo ég hvet sem flesta til að mæta!!!

Það eru sýningar 18. og 25. maí ...ég fer örugglega á sýninguna þann 18.

læru helgi framundan...

2004-05-07T15:39:00.000Z

Já þetta verður rólegheitar helgi hjá mér ...á eftir að fara í eitt próf á miðvikudaginn og skila ritgerð á fimtudaginn og svo er ég búin :) ....og er meira að segja búin að redda mér fríi í vinnunni á lau og sun svo ég reikna með hörku djammi :)

Er búin að kaupa mér nýjan síma svo símakrísan mín er loks á enda :) ...það er myndavél og alles á nýja gripnum svo það er aldrei að vita nema ég skelli inn myndum af og til :) ...en er einhver með svona mms?? ...ég veit ekki um neinn sem ég get sent svoleis fínerí :(

hæhó svefnpurkur...

2004-04-30T01:57:00.000Z

...er aðeins að hita upp fyrir næturvaktina á morgun og allir skemmtilegir msn-arar farnir að sofa :( ....en rakst á þessa voða skemmtó síðu :) ...þarna eru allskyns próf, spár og speki sem þeir sem þurfa að drepa tímann gætu haft gaman af!! ...og tékkið á "Ástarprófinu" ég er viss um að þetta er sama próf og við vinkonurnar vorum alltaf að gera hvor við aðra þegar við vorum litlar ...þá taldi maður stafina L-O-V-E í nafninu sínu og hinum heitt elskaða og reiknaði svo allskyns ...muniði ekki eftir þessu? ....æ fannst þetta bara eitthvað svo fyndið :o)

Tók einmitt testið "Fyrra líf" ....gæti svossum passað :)

Niðurstöðurnar:
--------------------------------------------------------------------------------
Ég veit svo sem ekki hvað þér finnst um það...en þú varst kvenmaður í þinni síðustu tilvist.
Þú fæddist í síðasta lífi á stað nálægt Mið-Englandi á því herrans ári 400.
Þú starfaðir sem: skartsmiður og úrsmiður.
--------------------------------------------------------------------------------
Hér er stutt lýsing á þér og högum þínum í síðasta lífi:
Persóna eins og þín var er alltaf leitandi að hinu NÝJA. Þú elskaðir hvers kyns breytingar, en sérstaklega þó í listum, tónlist og matargerð.
--------------------------------------------------------------------------------
Hvaða skilaboð færir fyrra líf þér til þessarar jarðvistar?
Skilaboðin til þín eru: Heimurinn er fullur af veiku og einmana fólki. Þú ættir að hjálpa þeim sem verr eru á vegi staddir.. það gleður bæði þá og ekki síður sjálfan þig.
--------------------------------------------------------------------------------
Er þetta ekki að rifjast upp núna? - Farnist þér vel?

Hlægileg ummæli Sigurðar Kára

2004-04-28T13:22:00.000Z

Eins og þeir sem hafa séð framan á Fréttablaðið í dag vita þá kom Sjálfstæðisflokkurinn hræðilega út úr skoðanakönnun þar sem spurt var um fylgi þingflokkanna á dögunum ....inní blaðinu kemur svo Sigurður Kári, þingmaður Sjálfstæðisflokksins með þau rök að ástæðan fyrir afhroði flokksins sé einhliða umræða um fjölmiðlafrumvarpið í fjölmiðlum síðustu daga! ....en þessi rök eiga sér bara enga stoð í raunveruleikanum því flestir fjölmiðlar hafa haft mjög fjölbreytta umræðu um þetta frumvarp á miðlum sínum og hleypt stuðningsmönnum beggja sjónarmiða að á meðan ríkissjónvarpið hefur aðeins hleypt talsmönnum og stuðningsmönnum ríkisstjórnarinnar að í Kastljósið til að ræða þetta mál ....það kalla ég einhliða umræðu ...og þá í hag ríkisstjórnarflokkanna!!!